تبریز میللت وکیلی: یوخسوللوق طغیان ائدیر اینسانلار قاشیقلا یاغ آلیرلار.
منادی جوما آخشامی، ۱۸ فروردینده تبریز بلدیه باشقانی‌نین تانیتیم مراسیمینده دئییب: توپلومسال پروبلئملرین چوخونون اقتصادی کؤکلری وار و بیلگیلره گؤره، یارانه‌لرین آیلیق اؤده‌نیلمه‌سی ایله بیر نئچه گون اوغورلوقلارین سایینی آزالدیر.
تبریزین مجلیسده‌کی ملت وکیلی ده بو مراسیمده دئدی: تبریز چوخ گئریده قالمیشدیر و بو شهرین گئریلیگینی ال-اله وئرمک تلافی ائدیلمه‌لیدیر.
او، تبریز شهری‌نین یاتیریمجیلاری و متولی‌لرینه موراجعت ائده‌رک، رمضان آییندا احتیاجی اولانلارا یاردیم ائتمیی خواهش ائتدی.
بو ملت وکیلی بو سؤزلری ایسلام جمهورییتی‌نین جمهورباشقانی ابراهیم رئیسی ۱۷ اسفندده اوزمانلار مجلیسی اوتوروموندا ایراندا موطلق یوخسوللوغون آرادان قالدیریلاجاغینا سؤز وئررکن دئییب.
بو، حسن روحانی‌نین ۱۳۹۶-جی ایل سئچکی کامپانییاسی زامانی دا وئردیگی وعددیر. بونونلا بئله، ۱۳-جو حؤکومتین امک ناظرلیگی اؤتن ایل مهر آییندا ایران اهالیسی‌نین اوچده بیری‌نین موطلق یوخسوللوق حدینده یاشادیغینی آچیقلامیشدی.
#آذربایجان_خبرلری #مجلیس #یوخسوللوق
