سویوق‌بولاق بندینده کیملیگی بلیرسیز بیر قادینین جسدی تاپیلیب
سویوق‌بولاق بلدیه‌سی‌نین یانغین‌سؤندورمه و گوونلیک خیدمتلری تشکیلاتی‌نین مودیری دئییب: دونن گونورتا ساعتلاریندا سویوق‌بولاق بندینده کیملیگی بلیرسیز اورتا یاشلی بیر قادین جسدی تاپیلیب.
رحمان احمدی دئدی: وطنداشلارین بلدیه‌نین یانغین‌سؤندورمه و گوونلیک خیدمتی‌نین ۱۲۵ سایلی سیستمی ایله ایله‌تیشیم قورماسیندان سونرا بو قورومون قوه‌لری حادثه یئرینه گؤندریلیب.
سویوق‌بولاق بلدیه‌سی‌نین یانغین‌سؤندورمه و گوونلیک خیدمتلری تشکیلاتی‌نین مودیری دئییب: جسدین کیملیگی هله بللی ائدیلمه‌ین اورتا یاشلی، تخمیناً ۴۰ یاشلی قادینا مخصوص اولدوغو بیلدیریلیر.
او بیلدیریب کی، بو جسد بو ایل سویوق‌بولاق بندی‌نین کناریندا تاپیلان ۵-جی جسددیر و قضانین سببلری پولیس طرفیندن آراشدیریلیر.
سویوق‌بولاق بندی باتی آذربایجانین ان بؤیوک بندلریندن و اؤلکه‌ده‌کی ۱۰ سو بندیندن بیریدیر.
