شرقی آزربایجان ولایتینده چاپ‌ائدیلن کیتابلارین ۱۵% تورکجه‌دیر
بو ایل ایرانین شرقی آزربایجان ولایتینده تورک دیلینده ۶۲۵ کیتاب چاپ ایدیلیب . ولایتین ایرشاد و مدنیت ایداره‌سینین باش دیرئکتورو بو حاقدا معلومات وئریب .
یاری-رسمی ایلنا آژانسینا ایستیناداً، تبریزده مطبوعات نماینده‌لری ایله گوروشن “سید قاسیم ناظمی” ۱۴۰۰-جو هجری ایلینده (کئچن ۱۱ آی عرضینده) ولایتده نشر ائدیلن کیتابلارین ۶۲۵ نین تورکجه اولدوغونو بیلدیریب. اونون دئدیگینه گؤره، بو ولایتده چاپ ائدیلن کیتابلارین تقریباً ۱۵% دیر .
ایرشاد و مدنیت ایداره‌سینین باش رئداکتورو ۱۵ فائیزین اهمیتلی بیر رقم اولدوغونو قید ائدیب. لاکین همین قوروم ۲۰۱۹ جو ایلده ولایتده چاپ ائدیلن کیتابلارین ۲۰ فائیزی‌نین تورک دیلینده اولدوغونو بیلدیرمیشدی.
ایران‌دا تورک دیلینده چاپ، نشر و کیتاب ساتیشی ساحه‌سینده فعالیت گؤسترن شخصلر و قوروملارا متمادی قایدادا باسقیلار تطبیق ائدیلیر . کئچن ایللرده تورک دیلینده تقویم چاپ ائدن بعضی مدنی فعاللار حبس و محاکیمه‌یه معروض قالیبلار .
