غربی آزربایجانداکی کرونا خسته سایی 715 نفره یوکسلدی
غربی آزربایجان طب علملری بیلیم‌یوردونون کئچیجی رئیسی، ایالتده سون ۲۴ ساعتدا ایالتده ۷۱۵ نفرده کرونا خسته‌لیگی‌نین تثبیت ائدیلدیگینی کی، بونون دا دوننه گؤره ۱۱۵ نفر داها چوخ اولدوغونو دئدی.
محمدامین ولی زاده حال حاضردا خسته‌خانایا یئرلشدیریلن کرونا خسته‌لرینین توپلام سایی ۳۱۸ نفره چاتدیغینی دئدی.
او ۸۵ خسته‌نین اؤزل باخیم شؤبه‌لرینده خسته‌خانایا یئر‌لشدیریلدیگینی و ۱۹ نفرین ونتیلاتورلا نفس آلدیغینی ایفاده ائتدی.
او دئدی کی، ۲ نفرین اؤلومو ایله غربی آزربایجاندا کرونا اؤلوملری‌نین توپلام سایی ۷ مین ۲۶۸ نفره چاتدی.
کرونا باشلانغیجیندان بری غربی آزربایجانداکی خسته‌لرین توپلام سایی ۳۲۹ مین نفره چاتیب.
اردبیل طب علملری بیلیم‌یوردونون کئچیجی رئیسی، اؤنوموزده‌کی تایکی هفته ایچینده آلتینجی دالغانین ایالتده باشلایاجاغینی بیلدیردی. غربی آزربایجاندا ایسه ۳۲۳ خسته اولماق اوزره سون ایکی آیدا ان چوخ خسته تثبیت ائدیلدی.
اردبیل طب علملری بیلیم‌یوردو سون گونلرده خسته ساییندا بؤیوک آرتیشین قایغی وئریجی اولدوغونو و ۴۴ خسته‌نین خسته‌خانایا یاتیریلدیغیندان سونرا بو ایالتده ۱۵۲ خسته‌نین ساغلیق مرکزلرینده اولدوغونو خبر وئریب.
شرقی آزربایجاندا شهرلرین دورومونون قیرمیزیا یاخینلاشدیغینی و ۴۸۷ اومیکرون خسته‌سی‌نین تثبیت ائدیلدیگینی بیلدیردی.
شرقی آزربایجاندا آذرشهرین قیرمیزی و ۷ شهرین ده نارینجی اولدوغو بیلدیریلیر.
ایرانین ساغلیق ناظرلیگی ۸ بهمن ۱۴۰۰-جو ایل جوما گونو کرونا خسته‌لیگی‌نین آلتینجی زیروه‌سی‌نین باشلاندیغینی تصدیق ائده‌رک، اؤلکه‌ده قیرمیزی شهرلرین سایی‌نین آرتماسینی اعلان ائدیب.
ساغلیق ناظری بهرام عین‌اللهی ۷ بهمن ۱۴۰۰-جو ایل، جوما آخشامی آخشام ساعتلاریندا اؤلکه‌نین خسته‌خانایا یئر‌لشدیرمه و ایاقدا موعالیجه خسته‌لرین سایی‌نین آرتماسی سببیندن کرونا خسته‌لیگی‌نین آلتینجی زیروه‌سینه گیردیگینی اعلان ائتدی و توییتر حسابیندا وطنداشلاری اوچونجو دوز آشی وورماغا چاغیردی.
