بهایی وطنداش سینا شهری تبریزده توتولدو
تبریزده یاشایان بهایی وطنداش سینا شهری اطلاعات ناظرلیگی‌نین امکداشلاری طرفیندن توتولاراق بللی اولمایان یئره آپاریلیب.
۲۷ دی ۱۴۰۰-ده بازار ائرته‌سی گونورتا ساعت بیر جیواریندا تبریز اطلاعات ایداره‌سی‌نین مامورلاری سینا شهری‌نین ائوینده و ایش یئرینده آختاریش آپاردیقدان، بعضی شخصی اشیالارینی و بهایی دینی ایله باغلی هر شئیی موصادیره ائتدیکدن سونرا اونو حبس ائتدیلر.
بو خبر حاضرلانانا قدر بو بهایی وطنداشین هارادا اولدوغو باره‌ده بیلگی یوخدور.
سینا شهری سون بیر هفته‌ده ایراندا ساخلانیلان بئشینجی بهایی وطنداشدیر.
«علی احمدی»، «صبا سفیدی»، «سمیرا ابراهیمی» و «ناتولی درخشان»، قائم‌شهر، تهران و ساری‌ده ساخلانیلان باشقا محبوسلاردیر. سمیرا ابراهیمی‌دن باشقا محبوسلار هله ده حبسده‌دیر.
