Gələn həftə şənbədən; Xarici ölkə vətəndaşlarının Batı Azərbaycana girişi qadağandır

Batı Azərbaycan valiliyinin siyasi, təhlükəsizlik və sosial məsələlər üzrə müavini deyib: Gələn həftə şənbə günündən etibarən əyalət sərhədlərindən 15 qrup istisna olmaqla, xarici ölkə vətəndaşlarının ölkəyə girişi qadağan ediləcək.

Əli Mustəfəvi çərşənbə axşamı axşam Batı Azərbaycanda Korona ilə mübarizə əyalət qərargahının iclasında əyalət sərhədlərindən sərnişinlərin girişinə qoyulan yeni məhdudiyyətlərə toxunaraq əlavə edib: Bu 15 qrupa yaşayış icazəsi, təhsil vizası, biznes vizası, iş vizası, tibbi viza, investisiya vizası və pasportlarında çıxış damgası olanlar da daxildir.

O əlavə etdi: Səkkiz Güney Afrika ölkəsi və İngiltərə, Fransa, Norveç və Danimarka da daxil olmaqla dörd Avropa ölkəsindən birbaşa və dolayı giriş də gələn şənbə günündən etibarən 15 gün müddətinə qadağan ediləcək.

Batı Azərbaycan valiliyinin siyasi, təhlükəsizlik və sosial məsələlər üzrə müavini vurğuladı: Ölkəyə daxil olmaq niyyətində olan iranlılar mənfi PCR-ə malik olmalı, 2 dozalı peyvənd kartı təqdim etməli və sərhəddə testdən keçməlidirlər.

Mustəfəvi davam etdi: Korona testi müsbət çıxmış ölkəyə daxil olmaq niyyətində olanlar testi mənfi olana qədər sərhəddə verilən yaşayış məntəqələrində karantinə alınmalıdır.

O əlavə etdi: İnsanlar sağlamlıq protokollarına diqqət yetirməklə yanaşı, gərəksiz yığınacaqlardan, özəlliklə də ailə toplantılarından uzaq durmalıdırlar.

İndiyədək İranda yalnız bir Amikron hadisəsi müşahidə olunub; Batı Azərbaycanda iki şübhəli hal müşahidə edilib, lakin onların yoluxmasına əmin deyilik.