25نوامبر(4 آذر) اولوسلار آراسی، قادینا یؤنه‌لیک شیددته قارشی دایانیشما گونو موناسیبتینه بیلدیریش
“نوامبرین 25-, قادین شیددتینه قارشی دایانیشما گونو آدلانیب. 1960-نوامبرین 25- ده, دومینکن جومهوروسونون دیکتاتور حاکیمی رافائل تورخیوینه علیهینه, موباریزهده اوچ باجی, ژاتریا, ماریاو آنتونیا اؤلدورولدولر.
21- ایلدن سونرا 1981-اینجی ایلده بوگاتا دا, قادینلار حوقوقونون مودافیعهچیلرینین ایشتراکیلا, لاتین آمریکا و کارائیب بولگهسینده دوزنلنن بیر توپلانتیدا, میرابل باجی لارینین اؤلوم گونونو, قادینلارا شیدته قارشی موباریزه گونو, آدلاندیرما اؤنریسی وئیرلدی.
1999-جی ایلده بیرلشمیش میللتلر تشکیلاتی, نوامبرین ایرمی بئشینی, قادین علیهینه شیدته دور دئمک, گونونو رسمییته تانیدی.
او زاماندان بری, هر ایل بو گون, دگرلندیرلیر و دونیا سویهسینده قادینا زوراکیق علیهینه گئنیش شکلده اعتراضلار اولور .
اؤنجول قادین و کیشیلرین داواملی موبازیزه سینه رغما, یئنه ده دونیادا قادین علیه ینه شیددتین دوامی وار, و بو شیددت توپلومون یاریسی, یانی قادینلاری هدفه آلیر, چون فقط آیریمچیلیق قانونلار دئییل, آتا ارکلیک کولتورو ده, دونیادا حوکم سورور. آنجاق آزادلیق و برابر طلب قادینلارین بیلگیلنمه سیندن دولایی, بو موباریزه, آیری سئچیم و نابرلیکلرله موباریزه لرده, أن اؤنملی و درین توپلومسال بیر موضوعا چئوریلیب. ”
1999- ایلدن, بیرلشمیش میللتلر بو گونو,” قادینا شیددته دایانیشما گونو” تانیتدیریب و “دونیانی نارینجی ائدین” کمپینی نوامبرین 25 دن باشلانیر, دکابرین اونونا کیمی (بشر حاقلاری گونو) دوام ادیر.
بو ایل ده, ایراندا اولان بوتون میلیتلر, او جومله تورک قادینلاری بیر دورومدا 25 نوامبری قارشلاییرکی, ایراندا (بعضا قانون حمایت ائدن) موختلیف زوراکیلیقلار , و توپلوم عادت انه لری زوراکیلیقلاردان علاوه , هر ایل کیمی حکومت دئولت سویه سینده, یئنی شیوه لر یارادیب, قادین وطنداشلاری, او قانونلارا تابع ائتمکله, زوراکیلیقا دوام ادیر.
بیلدیر نوامبرین 25- دن بو ایله جان, قادینلارین پروبلملری آزالماییب, حتی چوخالیب بئله, ناموس قونوسوندا قتل لر, اوشاق ائولیلیک, جنسی تجاوزلار, جامعه ده یوخسوللوقدان یارارلانان, کیشیلرین الیله ” سکس ایندوستری” ده سوموروش (استثمار) اولان قادینلار,ایستر خصوصی یا ” صیغه” فرمدا، ایستر عومیتله, یا زوراکی فاحیشه لیک کناریندا, ائوده, خیاواندا, دورمادان اولان ایش یئرینده دورمادان دوام ادیر.
بیر اؤلکه ده کی مسئول لارین اؤز دئیشیله 70- فایزدان یوخاری وطنداشلار یوخسوللوغون ان آشاغا قاتیندا یاشیرلار, بوندان آرتیق گؤزلنیلمیز, چون جمعیتین بو 70- فایزینین یاریسیندان چوخو قادینلاردیر.
تورک, بلوچ, کرد, عرب و ….. میلیتلرین قادینلاری, قانوندا ثبت اولموش شیدت و آیری سئچگیلردن علاوه, اسلام جکومتی, ایراندا ساکین اولان میللتلرین علیه نه حیاتا کئچیرن برابرسیزلیک, آیری سئچگیلره ده, معروض قالیرلار و بو ظولم نئچه قات آرتیر.
کئچن آی اسلام جمهوریتینده, “جمعیتین گنجنلیگی و عائله نین یوکسه لیشی” آدیندا بیر قانون تصویب و ابلاغ اولوب کی, حکومت قادینین جیسمینی اؤزونه اؤرتیم آراجی ائدیبدیر. 1400.8.24-ده شورا مجلسینین مشترک کومسیونوندا, تصویب اولان بو قانون, 93982 نومره لی مکتوبدا (1400.8.24) پریزدنته چاتدیریلدی.
ورغولادیغیمیز طرح, ایران مقاملارینین دئیشینین خلافینا (عائله لرین نفعی و اوشاق چوخاتما هدفیله عونوان ائدیرلر) ایران قادینلارینین ساغلاملیق و جانلارینی خطره سالیر.ایران مئدیالاری نین یایدیغی راپورلارینین اساسیندا, بویلولوغو اؤنلمک اوچون هورمونی داوالارین پایلانما و ساتیشی, داوا ساتیش مرکزلری وبهداشت مرکزلرینده محدودلاشیب و بویلولوغون قاباغین آلما هر هانکی بیر داوا و یا نسنه نی تبلیق و ساتما یاساقلانیبدیر .
همچنین ساغلام باخانلیغی ” چوخ خطرلی حامیله‌لیک” عبارتینی ایشلت مک موشکول الموش دور..
“بشر حاقللارینین قاراول تشکیلاتی” چرشنبه آبانبن دوققوزو, بیر راپوردا, “جمعیتین جاوانلیق طرحی” آدلانان یئنی قانونونو جیسمی و بویلولوق ساحه سینده, قادینلار حاقینین ضیدی بیلیب و ایستدی, ایران جمهوریتی, در حال بشر حاقلارینن علیهینه اولان بو قانونو آرادان قالدیرسین .
بیز تورک قادینلار مرکزی, “جمعیتین جاوانلیق طرح” قانونو لغو اولونماسینی ایستیرک, همچنین قادینلارین ایلکین حاقلارینی تاپدالایان بیر باشا, دولتی شکیلده, یا خود سوننتی توپلومدا یازیلمامیش قانون شکلینده, قادینلارین روحونا جیسمینه مالک اولونان, کنترل ائدیلن و قتل و جنایته یول وئریلن, بوتون قانونلارین لغوینی طلب ائدیریک.
بیز اینانیریق, ایراندا قادینلارین, تکجه قورتولوش یولو, ” فقیه ویلایت اینین” حکومت ایندن قورتارماقدان کچیر!
نیه کی, بو رژیم قادین علیهینه قانونلار و فتوا لار مرکزیدی , همچنین قادینلارین اؤز حاقلاری ساحه سینده بیلگیلنمگه بؤیوک بیر مانع دی کی , توپلومو جهله و گئری قالماغا محکوم ائدیر.
ایران قادینلارینین بیرلیکلری داواملی اولسون
تورک قادینلار مرکزی
۴ آذر ماه ۱۴۰۰
25.11.2021
