اورمیه گؤلونون کریتیک دورومو؛ گؤلون سو سويه‌‌سی ۶۲ سانتیمتر آزالدی
باتی آذربایجان چئوره موحافیظه ایداره‌سی‌نین تئکنیکی معاونی اورمیه گؤلونون کریتیک وضعيتینه توخوناراق دئدی: اورمیه گؤلونون سويه‌‌سی اؤتن ایلین عینی دؤورو ایله موقایسهده ۶۲ سانتیمتر آزالمیشدیر.
حجت جباری اورمیه گؤلونون سون وضعيتی ایله باغلی بونلاری سؤیله‌دی: بو گون، ۶ مهرده، اورمیه گؤلونون سويه‌‌سی ۱۲۷۰.۶۴ -دیر کی، بو دا کئچن ایله نیسبتاً ۶۲ سانتیمتر آزالما گؤستریر.
او دئدی: گؤلده‌کی سویون حجمی ده ایکی میلیارد کیلومتر مربع آزالیب کی، بو دا گؤلون کریتیک وضعيتیندن خبر وئریر.
جباری قوراقلیغی اورمیه گؤلونون طلب ائتدیگی سو حوقوقلاری‌نین یئرینه یئتیریلمه‌مه‌سینی ان اؤنملی عامللریندن بیری حساب ائتدی.
باتی آذربایجان چئوره موحافیظه‌‌‌سی باش ایداره‌سی‌نین تئکنیکی معاونی آرتیردی: بو ایل یاغیش و سو آخینینین آزالماسی سببیندن اورمیه گؤلونده سو حوقوقلاری‌نین تعمین ائدیلمه‌سی چتینلیکله اوزلشدی. لازیمی یازیشمالاری ائدیلسه ده، بو گونه قدر بو گؤلده‌کی سو حوقوقلاری‌نین بوراخیلماسی مومکون اولمادی.
او آرتیردی: اوزون‌موددتلی دؤورله موقایسهده اورمییا گؤلونون سو توتما ساحه‌‌‌سینده یاغینتیلارین میقداری یوزده ۱۸، کئچن ایل ایله موقایسهده ایسه یوزده ۲۲ آزالاراق گؤلون حیاتینی تهلوکه‌‌‌یه آتمیشدیر.
جباری دئدی: یاغیشلارین آزالماسینا باخمایاراق، اورمیه گؤلو حؤوضه‌‌‌‌سی‌نین اکینچیلری و ایش گؤتورنلری هله ده فرق قویمادان سویو بولجا توکتیرلر و بو ساحه‌‌‌ده هئچ بیر آزالما اولماییب.
iranwire
