حؤکومت سؤزچوسو: ملت پارکینداکی پارتلاییش گوونلیک مسئله‌‌سی دئییلدی، بنزینله دیزل قاریشیغی ایدی
تهرانداکی ملت پارکیندا پارتلاییش خبریندن بیر نئچه گون سونرا ایسلام جمهورییتی حؤکومتی‌نین سؤزچوسو علی ربیعی، پارتلاییشین پارکداکی بیر چوخوردا بنزین و دیزل قاریشیغی سونوجوندا اولدوغونو آچیقلادی.
علی ربیعی، ۲۲ تیر چارشنبه آخشامی گونو پارتلاییشین “تخریباتا بنزه‌مه‌دیگینی” و “آراشدیرمالار گؤستریر کی، پارتلاییش سسینه پارکین بیر حیصه‌‌‌سینده‌کی بنزین و دیزل یاناجاقلاری‌نین باسدیریلدیغی بیر چوخور سبب اولوب.”
حؤکومت سؤزچوسو حسن روحانی، گوونلیک گوجلری‌نین ملت پارکینداکی پارتلاییشین گوناهکارلارینی بللی ائتمک اوچون آراشدیرما آپاردیغینی سؤیله‌دی.
ربیعی‌یه گؤره، بو گونه قدر گوونلیک و اطلاعات خیدمتلری طرفیندن پارتلاییشین “گوونلیک مسئله‌‌سی” اولدوغو ایله باغلی هئچ بیر دلیل وئریلمه‌ییب.
۱۹ تیر شنبه گونو سحر، تهرانین قوزئیینده‌کی ملت پارکی یاخینلیغیندا “دهشتلی بیر سس” ائشیدیلدیگی، بونون سببی باره‌ده چوخلو فرضيه ایله خبرلر گلدی، آنجاق تهران پولیسی مقاملاری بونون اؤنملی بیر مسئله اولمادیغینی سؤیله‌دی.
بوندان اؤنجه بعضی مئدیالار پارتلاییشین ایرانین نووه پروقرامی ایله باغلی اولان ایرانین صنایع گلیشدیرمه و یئنیله‌مه تشکیلاتی‌نین مرکزی بیناسی یاخینلیغیندا باش وئردیگی باره‌ده بیلگی یایمیشدی.
iranwire
