Ərdəbildə COVID-19-a yoluxma halları artır

İran xəbər agentliklərinə istinadən, Ərdəbil vilayətində COVID-19 səbəbilə xəstəxanaya yerləşdirilən vətəndaşların sayı artmaqdadır.

Ərdəbil Tibb Universiteti və səhiyyə xidmətinin rəhbəri doktor Şəhram Həbibzadə COVID-19-a yoluxma hallarının artdığını və vilayətin hər an pandemiyanın 5-ci dalğası ilə qarşılaşa biləcəyini bildirib.

Doktor Həbibzadə həmçinin deyib ki, “səhiyyə xidmətinin sağlamlıq nəzarətçiləri bu həftədən etibarən şəhərlərin ticarət mərkəzləri və əsas küçələrdə sağlamlıq protokollarının tətbiqini təmin etmək məqsədilə fəaliyyəti artıracaqlar.”

İran dövlət agentliyi İRNA-nın bazar günü yaydığı məlumata görə, hazırkı hicri ilində (21 martdan bəri) Ərdəbil vilayətində sadəcə 8 gün vəfat xəbəri olmayıb, digər bütün günlərdə vilayyətdə ölüm halları qeydə alınıb.

İRNA-nın xəbərinə əsasən, Ərdəbil vilayətində iyunun 26-dan 27-yə qədər 24 saat ərzində koronavirus səbəbilə 32 vətəndaş xəstəxanaya köçürülüb.

VOA