اردبیلده یامچی بندی‌نین حجمی یوزده ۴۰ آزالیب
اردبیل ایالتینده‌کی بندلرین ثابتلیگی‌نین مسوولو یامچی بندی‌نین احتیاط میقداری‌نین کئچن ایله نیسبتاً یوزده ۴۰ آزالدیغینی آچیقلادی.
رضا سلیمی دئدی: اردبیل و سرعین شهرلرینی و اردبیل دوزونون اکینچیلیک ساحه‌‌‌سی‌نین سویونو تعمین ائدن یامچی بندی‌نین حجمی، اونا آخان چایلارین سویونون آزالماسی ایله آزالیب.
کمال‌آباد چایی، آغلاغان، مرکزی بالیقلی چایی و یامچی بندی‌نین آرخاسینداکی بالیقلی چایی‌نین دوغو قولونو اشاره ائدرک دئدی: بو چایلار ۳۰ کیلومتر آخدیقدان سونرا یامچی چایینا تؤکولور. آنجاق قوراقلیقدان اؤتورو بو چایلارین سویو آزالیب و سونوجدا یامچی بندی‌نین ده سویونون آزالماسینا نه‌دن اولوب.
اردبیل ایالتینده‌کی بندلرین ثابتلیگی‌نین مسوولو دئدی: آغلاغان چایی واسطه‌‌‌سیله اکینچیلیک ایله یاناشی سککیز کنده سو وئریلیردی کی بو چایدا دا یوزده ۷۰ آزالما وار.
او چیخیشی‌نین باشقا بیر حیصه‌‌‌سینده نیرده یاغیشین آزالماسینا ایشاره ائده‌رک آرتیردی: بو شهرده یاغیشین میقداری او قدر آزالیب کی، اؤنجه‌کی ایله گؤره یوزده ۷۵ آزالیبدیر.
دونن بیر خبرده ده اورمیه گؤلونو جانلاندیرما قرارگاهی‌نین ایالت نوماینده‌‌سی فرهاد سرخوش، کئچن ایله گؤره گؤلون ساحه‌‌‌سی‌نین ۸۸ کیلومِتر آزالدیغینی اعلان ائتدی.
iranwire
