زاهداندا بیر عائله‌‌‌نین سککیز عضوو اؤلدورولدو
سیستان و بلوچستان ایالتینده‌کی زاهدان شهری‌نین پولیس کوماندیری، زاهدانلی بیر عائله‌‌‌نین سککیز عضوونون جینایت نتیجه‌سینده اؤلدورولدویونو بیلدیردی. حادثه زامانی بئش قادین و اوچ ارکک اؤلدورولدو.
زاهدان شهری‌نین پولیس کوماندیری محمود سعادتی، ۱۱ خرداددا ساعت ۱۲: ۳۰-دا بیر وطنداش واسطه‌‌‌سی ایله زاهدانین محله‌‌‌لریندن بیرینده باش وئرن بیر قتل حادثه‌‌‌سی باره‌ده پولیس قوه‌لرینه بیلگی وئریلدیگینی سؤیله‌دی.
او آرتیردی: “مامورلار جینایت یئرینه گئتدیکدن سونرا، دونن گئجه ایکی قادین، اوچ اوغلان و اوچ قیز دا داخیل اولماقلا بیر عائله‌‌‌نین سککیز عضوونون سلاح ایله اؤلدورولدویو و بو جینایتی حیاتا کئچیرن و یا ایجرا ائدنلرین حادثه یئریندن قاچدیغی بللی ائدیلدی. “
ایران مئدیاسی، عائله عضولری‌نین آنا و آتاسی‌نین نارکوتیک جینایتلرینه گؤره آچیق حبسده اولدوقلارینی و بیر گون اؤنجه حبس‌خانایا گئتدیکلرینی یازدی.
زاهدان پولیس رئیسی، بو جینایتی تؤره‌دن و یا ایجرا ائدنلرین آختاریلماسی‌نین پولیس قوه‌لری‌نین گونده‌مینده اولدوغونو سؤیله‌دی.
iranwire
