ایرانداکی کرونا؛ ایرانین گونئیینده قیرمیزی شهرلرین سایی آرتیر
صحیه ناظرلیگی، جوما گونو گونورتایا قدر اولان ۲۴ ساعت ایچینده ۱۸۴ کووید-۱۹ خسته‌سی‌نین حیاتینی ایتیردیگینی و خسته‌لیکدن اؤلنلرین توپلام سایی‌نین ۷۹ مین ۵۶۸ نفره چاتدیغینی آچیقلادی. آیریجا، سون رنگ آیریمینا گؤره هندوستان و گونئی آفریقادا موتاسیونا اوغرامیش ویروسون آرتماسی‌نین اساس سببی اولدوغو دئییلن قیرمیزی شهرلرین سایی ۱۳ شهره چاتیب.
صحیه ناظرلیگی ۷ خرداد ۱۴۰۰-ده جوما گونو گونورتا ساعتلاریندا قطعی تشخیص معیارلارینا گؤره، اؤلکه‌ده ۱۰ مین ۲۵۳ یئنی خسته‌نین معین ائدیلدیگینی، بونلاردان ۱۵۳۲ نفری‌نین خسته‌خانایا یئر‌لشدیریلدیگینی بیلدیردی.
آیریجا، خسته‌خانالارین اؤزل نظارت شؤبه‌لرینده ۴ مین ۳۸۳ خسته‌یه باخیلیر.
سون رنگ دورومونا گؤره قیرمیزی استاتوسلو شهرلرین سایی ۸-دن ۱۳ شهره یوکسلدی. خردادین ایکینجی هفته‌سی‌نین نارینجی شهرلرین سایی ۲۱۴ شهر، ساری استاتوسلو شهرلرین سایی ایسه ۲۲۱ شهردیر.
دیر و کنگان (بوشهر ایالتنیده)، چابهار (سیستان و بلوچستان)، جیرفت، سیرجان و شهربابک (کرمان)، سرپل‌ذهاب (استان کرمانشاه)، بندرعباس، جاسک، خمیر، رودان، قشم و میناب (هرمزگان ایالتینده) قیرمیزی وضعيتده‌دیرلر.
ایرانداکی کرونا واکسنی ایله باغلی سون ایستاتیستیکایا گلینجه، ۷ خرداد ۱۴۰۰ جوما گونونه قدر اولان سون ایستاتیستیکایا گؤره، توپلام ۳ میلیون ۱۳۸ مین ۳۳۳ نفر ایلک دوز واکسنی آلدی. ۴۹۹ مین ۴۰ نفر ده هر ایکی دوزو آلمیشدیر.
بو سای نظره آلیناراق، ایراندا وورولان واکسنلرین توپلام دوزو 3 میلیون 637 مین 373 حادثه‌‌‌یه چاتیب.
اؤلکه‌ده حاضردا ایدخال ائدیلن روسیه اسپوتنیک واکسنی و چینین سینوفارم واکسنی ایله بیرلیکده کرونا واکسنی یئرلی واکسن ایله داوام ائتدیریله‌جکدیر.
