باتی آذربایجاندا ماسک ایستیفاده‌سی یوزده ۲ ایله ۳ آراسیندادیر
باتی آذربایجان طب علملری بیلیم‌یوردونون رئیسی دئدی: ایالتین بعضی بؤلگه‌لرینده ماسک ایستیفاده‌سی یوزده ایکی‌یه چاتیب.
مهر خبر آژانسی‌نین وئردیگی بیلگیلره گؤره، جواد آقازاده ایالتده کروناویروس یاییلماسی‌نین آرتماسی باره‌ده خبردارلیق ائده‌رک، ایالتین بعضی شهرلرینده‌کی کرونا وضعيتینه توخوناراق آرتیردی: ایالتین بعضی بؤلگه‌لرینده ماسک ایستیفاده‌سی یوزده ۲ ایله ۳ آراسیندادیر کی، بو دا چوخ تهلوکه‌‌‌لیدیر.
او داوام ائتدی: بوندان علاوه، سون بیر نئچه گونده بعضی زیارتلرده بو بؤلگه‌لرده توی مراسیملری‌نین مینیموم ساغلاملیق قایدالاری رعایت ائدیلمه‌دن کئچیریلدیگینی گؤردوک.
او وورغولادی: باتی آذربایجان قیرمیزی رنگده‌دیر، آما قیرمیزی بؤلگه اوچون حیاتا کئچیریلمه‌لی اولان قایدالار یئرینه یئتیریلمیر.
او داوام ائتدی: ایالت خسته‌خانالارینا باشووران خسته‌لرین سایی کئچن هفته ایله موقایسه‌‌ده ایکی قات آرتاراق ۸۷۰ نفره چاتدی و مؤوجود گئدیشاتین داوام ائتمه‌سی ایله گلن هفته خسته‌لرین سایی ۱۵۰۰ نفره چاتاجاق.
رسمی آچیقلامالارا گؤره ایندییه قدر باتی آذربایجاندا ۱۳۰ مین نفر کرونایا یولوخوب و تخمیناً ۳ مین ۹۰۰ نفر اؤلوب
iranwire
