مرکزی بانکین رئیسی: بودجه آچیغینی قاپاتماق اوچون پول چاپ ائتدیک
مرکزی بانکین رئیسی “عبدالناصر همتی”، اؤلکه‌ده ۹۰ مین میلیارد تومن بورجو اولان ۱۱ بؤیوک بانک بورجلوسونون اولدوغونو سؤیله‌دی. همتی سؤیله‌دیکلری‌نین باشقا بیر حیصه‌‌‌سینده ، حؤکومتین بودجه آچیغیندان سونرا سون بیر ایلده پولون چاپ اولوندوغونو اعتراف ائتدی.
مهرین وئردیگی بیلگیلره گؤره، ۱۴۰۰-جو ایل فروردینین ۷-سی، شنبه گونو، مرکزی بانکین رئیسی، ایراندا سون آیلاردا ماللارین یوکسک قیمتی ایله باغلی فیکیرلرینی قیسماً ایضاح ائتدی: باهالیق ایله تورم آراسیندا فرق قویماق لازیمدیر، چونکی باهالیق کیچیک ماللار ساحه‌‌‌سینده باش وئریر، لاکین تورم عومومی قیمت سويه‌‌سینده آرتیم و اینسانلارین آلیجیلیق قابیلیتینده آزالمادیر، بو دا مرکزی بانکین وظیفه‌‌‌سیدیر، لاکین تکجه پول سیاستینی بللی ائدن تورومون اؤنونو آلا بیلمز.
او سؤیله‌دیکلری‌نین بیر حیصه‌‌‌سینده، ۱۳۹۸ و ۱۳۹۹-جو ایللرده‌کی حؤکومت بودجه‌سی‌نین بعضی حیصه‌‌‌لری‌نین پول چاپی یولو ایله حیاتا کئچیریلدیگینی سؤیله‌دی و بونو بودجه آچیغی سببیندن باشقا جور ائده بیلمه‌دیک دئدی.
همتی، آدلارینی چکمه‌دن تخمیناً ۱۱ بانک بورجلوسونون، بو اینسانلارین ۹۰ مین میلیارد تومن بورجوندان تخمیناً ۳۰ مین میلیارد تومنینین گئری آلیندیغینی سؤیله‌دی.
او بانکین ماليه قایناقلاری‌نین جاذب اولدوغونو نظره آلاراق، رانت یاراتماق پتانسیلی اولدوغونو و بعضی اینسانلارین بو منبع‌لردن سوءایستیفاده ائتدیگینی سؤیله‌دی.
iranwire
