توییتر، خامنه‌ای‌نین واکسن ایله باغلی توییتلریندن بیرینی ال‌چاتماز ائتدی
توییتر، علی خامنه‌ای‌نین اینگیلیس دیلینده‌کی صفحه‌‌‌سینده‌کی توییتلریندن بیرینی ال‌چاتماز ائتدی.
بی‌بی‌سی فارسجانین یازدیغینا گؤره توییتر، بو صفحه‌‌‌نین داوامینی صفحه‌‌‌نین صاحبی طرفیندن بو توییتین سیلینمه‌سی ایله شرطلندیردیگینی یازدی.
علی خامنه‌ای‌نین بو مئساژی‌نین توییتردن سیلینمه‌سی‌نین سببی “کرونا واکسنی ایله باغلی یالان بیلگیلر یایماق” کیمی ایفاده ائدیلدی.
علی خامنه‌ای‌نین اینگیلیس توییتر صفحه‌‌‌سینده دونن آمریکا و اینگیلتره‌دن کرونا واکسنی ایدخالی‌نین قاداغان اولونماسی ایله باغلی آچیقلامالاری یاییملاندی: “اونلار اعتبارلی دئییللر و باشقا ملتلره یولوخماق ایسته‌دیکلری چوخ اوزاق دئییل. اچ‌آی‌وی-یه یولوخموش قانلا باغلی تجروبمیزه اساساً، فرانسیز واکسنی ده اعتبارسیزدیر.”
علی خامنه‌ای‌نین اینگیلیس دیلینده توییتر صفحه‌‌‌سی توییترین بو توییتینی سیلینمه‌سی ایسته‌یینه هله جاواب وئرمه‌ییب.
داها اؤنجه، توییتر، علی خامنه‌ای‌نین توییتر صفحه‌‌‌سینده‌کی یهودی دوشمانلیغی مئساژلارینی سیلمه‌دیگی اوچون آمریکا کنگره‌سینده‌کی بیر کومیته طرفیندن دیندیریلمیش و تنقید ائدیلمیشدی.
