صحیه ناظرلیگی ایمام کاظم شربتینی سینایاجاق
صحیه ناظرلیگی‌نین تاماملاییجی و ایرانی طبّ اوفیسی‌نین رییسی، صحیه ناظرلیگی‌نین کرونانی موعالیجه ائتمک اوچون بوتون ایمکانلاریندان ایستیفاده ائتدیگینی و ناظرلیگین “ایمام کاظمین درمانلارینی” دا تست ائتمه‌سی لازیم اولدوغونو سؤیله‌دی.
نفیسه حسینی یکتا ، ۹ آذر ۱۳۹۹-جو ایل بازار گونو “ایمام کاظم شربتی‌نین” ائتکی‌سی باره‌ده وئردیگی آنلاین مطبوعات کنفرانسیندا، بو درمانلا باغلی ادعالارا، آراشدیرما یولونون “قاپالی اولمادیغینی” و بو درمانین صحیه ناظرلیگینده “تست ائدیلمه‌لی” اولدوغونو سؤیله‌دی.
بو درمانین ایمام کاظمه عاید اولدوغو ایله باغلی اولاراق دا “حوزه علمیه بو قونویا گیرمه‌لی و عالیملر بو مؤوضودا آچیقلاما وئرمه‌لیدیلر” دئدی.
صحیه ناظرلیگی‌نین بو مقامی، کرونانین عنعنه‌‌وی طبّ یولو ایله موعالیجه‌‌‌سی ایله علاقه‌‌‌لی ۸۵ ادعانین قئیده آلیندیغینی آچیقلادی و “بونلاردان ۱۹ دنه‌سی‌نین نظردن کئچیریلدیگینی و آراشدیرما مرحله‌‌‌سی‌نین باشا چاتدیغینی، لاکین هئچ بیری‌نین کرونا خسته‌لیگینی موعالیجه ائتدیگینی ادعا ائتمه‌دیگینی” سؤیله‌دی.
خانیم حسینی یکتایا گؤره، ایراندا میندن چوخ عنعنه‌‌وی طبّ اوزمانینین ایراندا مجوزلری واردیر و اؤزل کلینیک و یا ساغلاملیق مرکزلرینده ایشله‌یه بیلرلر.
صحیه ناظرلیگی‌نین چینده عنعنه‌‌وی طبّ چالیشمالاری ایله چوخ‌سایلی وبینار واسطه‌‌‌سیله قارشیلیقلی فعالیتینی ده بیلدیردی و بو قارشیلیقلی علاقه‌‌‌لرین نتیجه‌لری‌نین صحیه ناظرلیگی طرفیندن “خسته‌لیکلرین قارشیسینی آلماق و طبّ ایشچیلرینی تجهیز ائتمک اوچون” علمی مضمون داشیدیغینی بیلدیردی.
ایراندا کرونا ویروسونون یاییلماسی ایله ایسلام طبابتی‌نین تبلیغاتچیلاری هر دفعه کرونا درمانی‌نین تطبیقی ایله مانشئتلره چیخدیلار.
اؤنجه‌لر ایسلام طبابتی‌نین آتاسی کیمی تانینان “عباس تبریزیان” طرفیندن کرونا موعالیجه‌‌‌سی اوچون بنؤوشیه یاغی اؤنریسی سوسیال مئدیا قوللانیجیلاری آراسیندا گئنیش عکس اولوندو.
“ایمام کاظم شربتی” بیر مدتدیر کرونا موعالیجه‌‌‌سی اوچون بیر درمان اولاراق تطبیق اولونور. قومدا بعضی مسجیدلر بو بیرلشمه‌نی اینسانلار آراسیندا پایلاییر.
کئچن هفته کیرمانشاهین ۲-جی بؤلگه‌سینده‌کی وقف و خیريه شؤبه‌سی‌نین مودورو، تشکیلاتین ۲ مین پاکئت ایمام کاظم درمانینی حاضرلادیغینی و تئزلیکله خالق آراسیندا پایلایاجاغینی سؤیله‌دی.
