باتی آذربایجانین اکین اراضی‌لرینین ۹۰ فایزی سیغورتالانماییب
باتی آذربایجان ایالتینده‌کی اکین اراضی‌لری و باغ ساحه‌‌‌لری‌نین ۹۰ فایزی سیغورتاسیزدیر.
باتی آذربایجان اکینچیلیک تشکیلاتی‌نین رییسی رسول جلیلی، “ایالتین ۷۳۰.۰۰۰هکتار اکینچیلیک، باغ و حئیواندارلیق اراضی‌لرینین” یالنیز ۱۰ فایز‌نین سیغورتالاندیغینی سؤیله‌دی.
جلیلی اکینچیلر، باغدارلارو چیفتچیلری اکینلر و مال حئیوانلارینا داها چوخ دقت آییرماغا چاغیردی.
او کئچن ایل باتی آذربایجان ایالتی‌نین اکینچیلیک سئکتورونا ۸۵۰ میلیارد تومن زیان ديدیگینی سؤیله‌دی.
اورتالاما شاختا، سئل، دولو و فیرتینا سببیندن باتی آذربایجانین اکینلرینه هر ایل تقریباً مین میلیارد تومن زیان دییر کی، بو دا اهميتلی بیر رقمدیر.
باتی آذربایجان، ۷۰۰ ایله ۸۰۰ مین هکتار اکینچیلیک اراضی‌لرینه گؤره مئیوه و حئیواندارلیق محصوللاری اورتیمینده اؤلکه‌نین ان اؤنملی ایالتلریندن بیریدیر.
