تالشده سئل؛ بیر نئچه کندده سو، الکتریک و گاز کسیلیب
گیلان بؤحران ایداره‌ائتمه‌سی‌نین باش مودورو سئلین تالش شهرینده و بیر نئچه کندده یوللارین باغلانماسی، سو، الکتریک و گازین کسیلمه‌سینه سبب اولدوغونو آچیقلادی.
امیر مرادی، تالش، اسالم، چوبر، جوکندان، سرآگاه، سیابیل، خرجگیل و…یئددی کندینی سو باسمیش بؤلگه‌لر آدلاندیردی.
مرادی علاوه ائدیب، «تالش شهرینده‌کی بندی ده سو باسدی و اسالم به خلخال یولوندا بیر سوروشمه ایله قارشیلاشیریق.»
او آرتیردی « تالش، چوبر، اسالم و هشتپر اولماقلا دؤرد شهر سئلدن تأثیرلندی.»
اسالم به خلخال یولو، کیش دیبی – مریان کند یولو و تالش شهرینده‌کی ۳۳ کؤرپو سئل و سو باسماسی سببیندن مووقتی اولاراق باغلانمیشدیر.
گیلان ایالتی قیزیل آی باش مودورو سیاوش غلامی ده سون سئللرده سککیز یاشاییش ائوینین داغیلدیغینی و بیر سیرا دیگر ائولرین ده سو باسدیغینی بیلدیردی.
تالشین مجلیسده‌کی ملت وکیلی حسن محمدیاری ده «سئل ایله علاقه دار اولاراق گیلان والیسی ایله دفعه‌‌لرله علاقه ساخلاماغا چالیشدیق، آنجاق جاواب وئرمه‌دی» دئدی.
