پولیس: کیوان امام سادیست اولدوغونو دئییر
پولیس کیوان امام‌وردی‌نین «جینایتلری» ایله باغلی «یئترلی قدر سند و دلیل» الده ائتدیکلرینی سؤیله‌دی.
۱۲شهریور چارشنبه گونو بؤیوک تهران پولیس قوه‌لری‌نین کوماندیری حسین رحیمی، «کیوان امامین بیر سیرا قوربانلاری شیکایت ائتدی» دئدی.
رحیمی علاوه ائتدی «تهلوکه‌‌‌سیزلیک پولیسینده‌کی امکداشلاریم، اونون جینایتلرینه دایر یئترلی قدر دلیل و سند الده ائتدیلر.»
بؤیوک تهران پولیس کوماندیری «بو موتهیم اؤز جینایتلرینی چوخ پئشه‌کارلیقلا ایشله‌دیردی» دئدی.
سون ایکی هفته‌ده کیوان امام‌وردی ان آز ۲۰ قیز طرفیندن تاجیز و جینسی تجاووزلا گوناهلاندیریلدی.
سوسیال مئدیادا بیر نئچه راپور یاییملاندیقدان سونرا، پولیس کیوان امامی‌نی دؤرد شهریورده توتوقلادیغینی اعلان ائتدی.
رحیمی، کیوان امام توتوقلادیقدان سونرا سورغویا چکیلدیگی زامان «گوناهینی و سوء ایستیفاده‌سینی اعتراف ائتدی، لاکین سادیست اولدوغونو ادعا ائتدی، آما بو بئله دئییل» دئدی.
