شهریاردا پولیس ایکی گنجی اؤلدوردو
بیلدیریلیر کی، ایکی گنج (اؤتن جوما، 31 مرداددا) پولیس طرفیندن سوروجولوک وثیقه‌‌‌سی طلب اولوناندان سونرا قاچدیلار و پولیس طرفیندن توفنگله وورولدولار.
بو ایکی گئنجین کیملیگی علیرضا گودرزی و علیرضا جعفرلو اولاراق آچیقلانیب.
معلوماتلار سلاح یارالاریندان علاوه، جعفرلونون «واختیندا طبّی یاردیم گؤستریلمه‌مه‌سی و پولیس مامورو طرفیندن دؤیولمه‌سی» نتیجه‌سینده اؤلدویونو بیلدیریلیر.
شاهیدلرین سؤزلرینه گؤره، پولیس مامورلاری جعفرلونو خسته‌خانایا آپارماغا چالیشان اینسانلارا آتش آچدیقدان سونرا اینسانلاری سلاح ایستیفاده ائتمکله تهدید ائدیب.
بو وطنداشلارین عائله‌‌‌لرینه طبّ محکمه ایشینین نتیجه‌لری اعلان اولونانا قدر گؤزله‌مه‌لی اولدوقلاری بیلدیریلیب و جسدلر هله تحویل وئریلمه‌ییب.
ایکی گنجین عائله‌‌‌لری‌نین مامورلاردان شیکایت ائتدیکلری دئییلیر و باش گیزیر روتبه‌سینه صاحب اولان گوناهکار مامور و اونونلا بیرلیکده بیر عسکر توتوقلانیب.
بو اینسانلار حادثه باش وئرن زامان موحافیظه بؤلگه‌لریندن کناردا ایدیلر.
1374-جی ایل دوغوملو علیرضا جعفرلو طلبه و پلاستیک دوکانین صاحبی ایدی. علیرضا گودرزی‌ده 372-جی ایلده آنادان اولوب و الکتریک ایشییله مشغولدو.
