بهایی بیر وطنداش کر‌ج‌ده توتوقلاندی
بهایی بیر وطنداش اولان لیزا تبیانیان (عنایتی) کر‌ج‌ده تهلوکه‌‌‌سیزلیک قوه‌لری طرفیندن توتوقلاندی.
ایران‌وایرین الده ائتدیگی معلوماتلارا گؤره، تهلوکه‌‌‌سیزلیک قوه‌لری ۲۵ مرداد شنبه گونو بو بهایی وطنداشی توتوقلادی، حبس ائتدی و نامعلوم بیر یئره کؤچوردو.
بو بهایی وطنداش ۱۳۹۵-جی ایلده ده توتوقلانمیشدی و ایلکین محکمه طرفیندن «بهایی تبلیغاتی آدی آلتیندا رژیمه قارشی تبلیغات»، اتهامی ایله ۷ آی تعزیری حبس جزاسی وئریلمیشدی.
تئمییز محکمه‌‌سی‌نین ۱۲-جی شؤبه‌سی طرفیندن لیزا تبیانیان «بهایی اینانجینی تبلیغ ائتمک رئژیمه قارشی تبلیغات ساییلمادیغی» سببییله برائت ائتدی.
بو بهایی وطنداشین برائت آلماسینا باخمایاراق سون ۴۰ ایلده یوزلرله بهایی بو اتهاملا محکوم ائدیلمیش و حبس اولونموشدور.
