تهران‌دا امر به معروف و نهی عن منکر اوچون 69 مجوز وئریلدی
تهران‌دا امر به معروف و نهی عن منکر قرارگاهی کاتیبی‌نین معاونی، حؤکومت قوروملارینا بو قرارگاهین مجوزینی آلان «جیهادی قروپلار» ایله قارشیدورمادان چکینمه‌لرینی ایسته‌دی.
«حامد فاطمی‌روش» بو قروپلاری دستک‌له‌مک اوچون حؤکومت ایشچیلری‌نین محکمه‌‌سی‌نین فعالیته باشلادیغینی و بو قرارگاهلا امکداشلیق ائتمه‌ین دؤولت قوروملاری‌نین قانونی یوللا آرخاسینی توتاجاغینی سؤیله‌دی.
فاطمی‌روش دئدی «بو جیهادچی قروپلار حاکیميتدن دئییل و توپلومون بیر حیصه‌‌‌سیدیر و 16 ایختیصاصلاشمیش اراضیده فعالیت گؤسترمک اوچون مسوولیت داشیییرلار.»
«هر قروپ یئددی نفردن عبارتدیر، اونلاردان ایکیسی بو ساحه‌‌‌ده تحصیل آلمیش و تجروبه‌یه صاحب دیلر»، دئیه ایضاح ائتدی.
بو مقام آیریجا بعضی محکمه‌‌لرده امر به معروف و نهی عن منکرین خوصوصی شؤبه‌لرینین یارادیلدیغینی دا آچیقلادی.
بو قرارگاه طرفیندن امر به معروف و نهی عن منکر اوچون بعضی شخصلره و قروپلارا مجوزین وئریلمه‌سی سوسیال شبکلرده جدی اعتراضلارا سبب اولموشدور.
سون ایستاتیستیکایا گؤره، تهران‌دا ان آز 69 جیهادچی قروپا بو جور ایجازه‌لر وئریلمیشدیر.
