سیستان و بلوچیستان : کؤهنه درس صینیفی
تهران، رضوی خوراسان و سیستان و بلوچیستان عیالتلری، ایراندا ان چوخ کؤهنه درس صینیفلارینا صاحبدیرلر.
اؤلکه‌نین مکتبلرین تعمیری، یئنیله‌مه‌سی و گلیشدیرمه‌سی تشکیلاتی‌نین رئیسی «مهرالله رخشانی‌مهر» 16 مرداد آخشامی بو خبری ژورنالیستلره آچیقلادی.
ایستاتیستیکایا گؤره، تهران ایالتینده حاضیردا 22،500 کؤهنلمیش و تهلوکه‌‌‌لی صینیفلاری وار.
تهران ایالتینده‌کی صینیفلاردا اؤیرنجیلرین اورتالاما سیخلیغی 32، میلی استاندارد ایسه هر صینیفدا 24 نفردیر.
یئتکیلیلر، تهران مکتبلری‌نین یئنیدن قورولماسی اوچون 12 مین میلیارد تومن اعتبارا احتیاج اولدوغونو دئییرلر.
