لاریجانینین چین و سووئت‌لر ایله اولان ایلیشگیلرده رولو؛ دوغولو قارداشلار
«علی لاریجانی» بیر دیپلومات کیمی تانینماقدا چوخ ماراقلی ایدی، لاکین دیپلوماتیک فعالیتلرده اونون پایی کؤتو شؤهرت اولدو؛ «عمر البشیر»له گؤروشدن توتموش اینگیلتره ایله علاقه‌‌‌لرین کسیلمه‌سینه قدر و سون واختلار چینله اولان 25 ایللیک آنلاشما.
عالی میلی تهلوکه‌‌‌سیزلیک شوراسی‌نین کاتیبی اولاراق، نووه دانیشیقلارینی باشا چاتدیرا بیلمه‌دی و ایندی چینله دانیشیقلار آپارماق اوچون آدی چیخمیش. گؤروندویو کیمی، لاریجانی عائله‌‌‌سی دوغو ایله دانیشیقلاردا موتخصیصلر.
لاریجانی قارداشلاریندان اولان محمدجواد لاریجانی، «گورباچف»ایله گؤروشمک اوچون «روح‌الله خمینی»نین اوچ نوماینده‌‌سیندن بیری ایدی.
***
سون گونلرده علی لاریجانینین چینله 25 ایللیک آنلاشماداکی رولو داها آچیق شکیلده اورتایا چیخیب. 1397-جی ایلده لاریجانی چینه گئتدی و اونو «محمد جواد ظریف» و بیر سیرا ناظر موشایعت ائتدی. بو موشایعت لاریجانینین یالنیز ایسلام مشورت مجلیسی‌نین باشقانی دئییل، ایسلام جومهورییتینی تمثیلجی‌سی اولاراق دا گؤستریردی.
10-جو مجلیسین عضوو «محمدجواد نوبندگانی»، دا بو سفری لاریجانینین خاریجده‌کی ان گؤرونمه‌میش سفرلریندن بیری اولاراق آدلاندیردی.
ایران-چین تیجارت اوداسی‌نین رئیسی «مجیدرضا حریری»، بیر تلویزیون پروقرامی‌نین پرده آرخاسیندا وئردیگی آچیقلامالار لاریجانینین چینله علاقه‌‌‌دکی رولونون باشقا بیر گؤسته‌جه‌سییدی.
او، لاریجانینین چینه سفری‌نین، حؤکومتین مئساژینی دئییل، سیستمین مئساژینی چینلیلره گؤندرمک اوچون اولدوغونو سؤیله‌دی: «چونکی حؤکومتین بو اؤلکه‌ده هئچ بیر یئتکیسی یوخدور» دئدی.
ایندی اردبیلین کئچمیش ملت‌و‌کیلی و لاریجانینین موشاویری اولان «منصور حقیقت‌پور» لاریجانینین ایران ایسلام جومهورییتی‌نین لیدری طرفیندن ایران و چین آراسیندا «یول گؤستریجی آنلاشما«نین ایداره اولونماسیندا خوصوصی رول اوینادیغینی سؤیله‌دی.
آنجاق بو آنلاشما، لاریجانینین مجلیس باشقانلیغندان سونرا اورتایا چیخیدی و او هله ده بونا داوام ائده بیلسه ده، بو دفعه یا ایسلام جومهورییتی‌نین لیدرینین نوماینده‌‌سی، یا دا حسن روحانی‌نین نوماینده‌‌سی کیمی چینه گئتمه‌لیدیر. لاریجانینین جدی خاریجی سیاستی ایسه نووه دانیشیقلارینی سوردورمه‌سییدی.
علی لاریجانی ایسلام اینقیلابی کئشیکچیلری عضوو، رادیو و تلویزون و کولتور ناظرلیگینده ایشله‌دیگی دؤورده قارداشی محمدجواد لاریجانی اوزون ایللر خاریجی ایشلر ناظری‌نین معاونی وظیفه‌‌‌سینده چالیشمیشدیر.
«محمد جواد ظریف» سووئت‌لردن بیر هئیتین ایرانا سفر ائده‌رک جواد لاریجانی حاقیندا دانیشماسیندان سونرا اونون خاریجی ایشلر ناظرلیگینده‌کی سیاسی مؤوقئیی‌نین آزالدیغینی سؤیله‌دی. آنجاق لاریجانی، آیت الله خمینی‌نین مئساژینی گورباچفا چاتدیران اینسانلاردان بیری ایدی.
او «عبدالله جوادی آملی» و «مرضیه حدیده‌چی دباغ» ایله بیرلیکده سووئت‌لره آیت الله خمینی‌نین مئساژینی چاتدیرماق اوچون گئتدی.
«محمود احمدی‌نژاد»ین، جومهورباشقانلیغی‌نین اولینده علی لاریجانی «عالی میلی تهلوکه‌‌‌سیزلیک شوراسی»نین کاتیبی و آوروپا ایله نووه دانیشیقلاری‌نین باش رهبری اولدو. آنجاق بو دانیشیقلاری باشا چاتدیرماغی باجارمادی و یئرینه «سعید جلیلی» گلدی. یئری گلمیشکن، لاریجانینین عزل ائدیلمه‌سی‌ده روسیه ایله علاقه‌‌‌لی ایدی. بو زامان لاریجانی «پوتین»ین احمدی‌نژادا مئساژینی ایفشا ائتدیگینه گؤره ایشدن چیخاریلدیغی دئییلیردی.
لاریجانی عالی میلی تهلوکه‌‌‌سیزلیک شوراسی‌نین کاتیبی وظیفه‌‌‌سیندن کنارلاشدیریلدیقدان سونرا سککیزینجی مجلیسین باشقانی اولدو. بو مجلیسده «پارلامئنت دیپلوماتییاسی» ترمینی یایقیندی و لاریجانی خاریجی سیاستده قانون‌وئریجی اورقانیندا داها بؤیوک رول اویناماسینا چالیشدی.
لاریجانی، «لاهه بین الخلق عدالت محکمه‌‌سی»، سودان جومهورباشقانی‌نین «دارفوردا» موحاریبه جینایتلرینه و اینسانلیغا قارشی جینایتلرینه گؤره حبس ائدیلمه‌سی حؤکمونو وئردیکدن ایکی گون سوران، ایراندان محکمه‌‌نی قینایان مئساژی سودانا گؤتوردو.
خارطوم هاوا لیمانینا گلدیکدن سونرا ایرانین سودانی دوست و قارداش بیر اؤلکه اولاراق دستکله‌دیگینی اعلان ائده‌رک، عمر البشیرین حبس حؤکمونه «آمریکا ماجراسی» و سودان علیهینه بین الخلق قوروملارین «عدالتسیز توتومو» دئدی.
بو دستک بیان‌نامه‌سینه باخمایاراق، عمر البشیر قیسا مدت سونرا اؤزونو ایراندان اوزاقلاشدیردی و سعودی عربیستانی‌نین موتفیقلری سیراسینا قوشولدو.
علی لاریجانینین مجلیسه باشقانلیق ائتدیگی دؤورده اینگیلتره سفیرلیگینه هوجوم اولدو، بوندان سونرا ایرانین اینگیلتره ایله علاقه‌‌‌لرینی آزالتماق پلانی مجلیس طرفیندن تصدیق ائدیلدی.
ایندیده چینله دانیشیقلار آپارماقلا مشهور اولوبدور. بو دانیشیقلارین نتیجه‌سی گئنیش تنقید اولونان 25 ایللیک آنلاشمادیر. بو آنلاشمانین مؤوضوسو احمدی‌نژاد طرفیندن بیلدیریلدی؛ کئچمیش بیر جومهورباشقانی کی، لاریجانی قارداشلاری ایله دوشمنچیلیگی، حسن روحانی ایله اولان دوشمنچیلیگیندن داها بؤیوکدور.
بو عائله‌‌‌نین تنزولونون ان یوکسک زامانیندا علی لاریجانینین آدی یئنیدن کئچمه‌یه باشلادی. صادق لاریجانی، «اکبر طبری» داواسی ایله پراکتیک اولاراق کناردا قالدی، باخمایاراق کی، ایسلام جومهورییتی لیدرینین اوندان یاریمچیلیق حمایه‌‌‌سی اونا قارشی بعضی هوجوملاری قیسما دایاندیردی.
علی لاریجانی ده قارداشی موحاکیمه اورقانیندان گئدندن سونرا سیاسی اورتامدان. چینله آنلاشمانین توپلومسال تنقیدلره سبب اولماسینا باخمایاراق، بو آنلاشما هله ده علی لاریجانی‌یه رژیم ایچینده بیر اینام علامتی اولا بیلر. آنجاق وضعيت بئله‌دیر کی، چینله آنلاشما نووه دانیشیقلارینا بنزه‌ییر و بیر چوخ آما و اگری وار. بو وضعيتله، لاریجانینین نووه دانیشیقلاری کیمی بو آنلاشمانی دا باشا چاتدیراماماسی مومکوندور.
