علم‌الهدی: کرونا ایله موباریزه قرارگاهی تعظیم شعائر یؤنتیمینه گیرمه‌لیدیر
مشهد جوما ایمامی، کرونا ایله موباریزه قرارگاهیندان محرم، سفر، قدیر و دیگر مراسیملرین و آیینلرین یؤنتیم ساحه‌‌‌سینه جدی شکیلده گیرمه‌سینی ایسته‌دی.
«احمد علم‌الهدی» علاوه ائتدی: «بو قرارگاه اؤز فعالیتی ایله بو ساحه‌‌‌دکی بوتون جریانلاردان ایستیفاده ائتمه‌لی و هر کسین فیکیرلرینی آلمالیدیر.»
او آرتیردی: «کرونا ایله موباریزه قرارگاهی‌نین مسووللاری تعظیم شعائر مسئله‌‌سی‌نین دیندار و موسلمان اینسانلارین حیاتی‌نین آیریلماز فاکتلاریندان بیری اولدوغونا دقت یئتیرمه‌لیدیرلر.»
علم‌الهدی دئدی؛ «تانریا ایمان ساغلاملیغینیزی قوروماغین ان گوجلو قارانتیسیدیر، حال‌بوکی موختلیف ایلنجه مرکزلرینده بئله بیر شئی گؤرمورسونوز.»
بو دین آدمی‌نین سؤزلرینه گؤره، مشهدده کروناویروسون یاییلماسی ایلنجه و اقتصادی مرکزلرده توپلومسال صحیه پرینسیپلرینی قوروماقدا سهلاًکارلیق و لاقئیدلیک ایله علاقه داردیر.
