محرم آیی و دینی مراسم لر اوزوندن مشهدده‌کی کرونا خسته‌لری‌نین سایی۳۰۰ فایز آرتمیشدیر
صحیه ناظری‌نین معاونی سون بیر آی عرضینده مشهد شهرینده کرونا ویروسونا یولوخانلارین سایی‌نین ۳۰۰ فایز آرتدیغینی آچیقلادی.
ایرج حریرچی، بو شهرده خسته‌خانایا یئر‌لشدیریلن کرونا ویروسونا یولوخان اینسانلارین ۲۰ فایزینین یئرلی اولمادیغینی سؤیله‌دی و اینسانلاردان بو دینی شهره گئتمه‌مه‌لرینی ایسته‌دی.
رضوی خوراسان ایالتی و مشهد شهری کروناویروسون یاییلماسی باخیمیندان قیرمیزی وضعيتده‌دیر.
رضوی خوراسان والیسی‌نین سیاسی و تهلوکه‌‌‌سیزلیک اوزره معاونی «حسن جعفری» داها اؤنجه «خسته‌لرین سایی‌نین آرتماسی آلارمینی» رضوی خوراسان ایالتینده «چوخ جدی» اولدوغونو بیلدیرمیشدی.
ایراندا کروناویروس سببیندن اؤلنلرین عومومی سایی ۱۵ مین ۴۸۴ نفره چاتیب و یولوخموش اینسانلارین سایی دا ۲۸۸ مین ۸۳۹ نفره چاتیبدیر.
