بیر مدنی فعال آبان اعتراضلاریندا ایشتیراک ائتدیگینه گؤره محکوم ائدیلدی

آبان اعتراضلاریندان سونرا حبس اولونان تبریزلی وطنداش ایوب شیری 2 ایل تعزیری حبسه محکوم ائدیلدی.

ایوب شیری‌نین عائله‌‌‌سینه یاخین بیر منبع‌یه گؤره، بو حؤکم تبریز اینقیلاب محکمه‌‌سی‌نین بیرینجی شؤبه‌سی طرفیندن وئریلیب.

بو منبع‌ ایوب شیری‌نین آبان اعتراضلاریندا ایشتیراک ائتمه‌دیگینی «آنجاق اطلاعات ناظرلیگی قوه‌لری طرفیندن ایش یئرینه آپاریلان هوجومدان سونرا توتوقلانیب و موحاکیمه‌‌ اولوندوغونو» دئدی.

بو تورک مدنی فعال، تبریزین اطلاعات ایداره‌سی‌نین تجرید‌خاناسیندا 82 گونلوک سورغودان سونرا تبریز مرکزی حبس‌خاناسینا کؤچورولدو.

بو فعال بیر نئچه گونلوک بئلیرسیزلیکدن سونرا حؤکم چیخانا قدر وثیقه‌‌‌ موقابیلینده سربست بوراخیلدی و داها سونرا حاقیندا محکمه‌‌ قراری آچیقلاندی.

شیری «عومومی قایدانی پوزماق» اتهامی‌ایله بیر ایل حبس جزاسی و 74 قامچی جزاسی آلدی، لاکین جزاسی بیر ایل مدتینه تاخیره آلیندی.

بو حؤکمه گؤره، ایوب شیری احتیاجی اولان عائله‌‌‌لر اوچون 10 میلیون تومنلیک ساغلیق اورونلری و اشیالاری تامین ائتمک جزاسینا محکوم ائدیلمیشدیر.