56 میلیون اینسان شهر سوروشمه‌سی ریسکی آلتیندادیر
خوراسان قزئتی 56 میلیون ایرانلی‌نین تورپاق سوروشمه‌سی ریسکی آلتیندا اولدوقلارینی یازدی.
قزئت، یول و شهر ناظرلیگی‌نین آراشدیرما مرکزینه ایستناداً «بیر نئچه ایل ایچینده آردیجیل قوراقلیق» و «یئرآلتی سولارین نظارتسیز ایستیفاده‌سی»نی بو وضعيتین باش وئرمه‌سینده ایکی عامل اولاراق بیلدیردی.
خوراسانین قزئتینین یازدیغینا گؤره، «بو ایکی عامله گؤره اؤلکه‌نین 18 ایالتی ایندی سوروشمه تهلوکه‌‌‌سی آلتیندادیلار.
اصفهان، تهران، کرمان، رضوی خوراسان، البرز، فارس، یزد، همدان، مرکزی، چهارمحال و بختیاری، دوغو آذربایجان، زنجان، قوم، اردبیل، کوردستان، باتی آذربایجان، قوزئی خوراسان و کرمانشاه،
ایالتلرینده یوکسک ریسکلی تورپاق سوروشمه‌سی واردیر.
ان سون اهالی ساییمینا گؤره بو 18 ایالین، تخمیناً 56 میلیون اهالیسی وار و بو ریسک آلتیندادیرلار.
آراشدیرمالارا گؤره، اصفهان ایالتی ریسکی یوکسک اولان بؤلگه‌لردن بیریدیر و بو ایالتین 31 شهری تورپاق سوروشمه‌سی تهلوکه‌‌‌سی آلتیندادیر و بو باخیمیندان بیرینجی سیرادادیر.
اصفهاندان سونرا 30 شهرله تهران، 25 شهر ایله کرمان و 24 شهر ایله رضوی خوراسان ایالتلری بو ریسک باخیمیندان سونراکی سیرالاردا یئر آلیرلار.
