تبریز اینقیلاب محکمه‌‌سی ۱۷ یاشلی تورک یئنی‌یئتمه “نگار دباغی”یه حبس جزاسی وئریب
تبریز اینقیلاب محکمه‌‌سی ۱۷ یاشلی تورک یئنی‌یئتمه “نگار دباغی”یه حبس جزاسی وئریب.
تبریزلی ۱۷ یاشلی تورک یئنی‌یئتمه نگار دباغی ۲۳ آبان ۱۴۰۳-دن بری حبس ائدیلیب و تبریزین مرکزی زیندانیندا ساخلانیلیر.
داها اؤنجه ده حبس اولونان نگار دباغی باهاریستان اوخولوندا اینجه‌صنعت اؤیرنجیسی‌دیر. اونا قارشی ایره‌لی سورولن اتهاملار “اینسانلاری داخیلی و خاریجی گوونلیگه قارشی جینایت تؤرتمه‌یه تشویق ائتمک، ایسلامین موقدسلیکلرینی تحقیر ائتمک، ایسلام جمهورییتی سیستمینه قارشی تبلیغات آپارماق، رسمی مامورلار و یئتکیلیلری تحقیر ائتمک، ایسلام جمهورییتی‌تیت رهبرلرینی تحقیر ائتمکدیر”.
بو یئنی‌یئتمه اوچون وئریلن چاغیریش ورقه‌سینده “موتهیمین پئشمان اولماماسی و پئشمان اولمادیغینی بیان ائتمه‌سی” قئید اولونوب.
نگار دباغی آسم خسته‌لیگیندن اذيت چکیر و یاخینلاری حبس‌خانادا آغیر شرایطده اونون ساغلیغیندان جدی شکیلده ناراحات اولدوقلارینی بیلدیریبلر.
اینسان حاقلاری قایناقلاری نگار دباغی‌نین حبسی‌نین “مجبوری اعترافلار” و اونون موبیل تلفونونون ایچریگینه اساسلاندیغینی بیلدیریب. بو اعترافلار دیندیرمه‌لرده وکیلین ایشتیراکی‌نین تصدیقلنمه‌دیگی بیر شرایطده وئریلیب کی، بو دا یئتکینلیک یاشینا چاتمایانلارین قانونی حوقوقلاری‌نین آچیق شکیلده پوزولماسیدیر.
نگار دباغی‌نین دیندیریلمه‌سی آذربایجان فعاللارینا و وطنداشلارینا آرتان تضییقین باشقا بیر نومونه‌سیدیر.
Iranwire
