۹۶-جی ایلین دی اعتراضچیلاریندان بئش نفرین اصفهان‌دا اعدام ائدیلمه‌سینه دایر ناراحاتلیقلار واردیر
۱۳۹۶-جی ایلین دی اعتراضلاری نتیجه‌سینده اعدام جزاسینا محکوم ائدیلمیش 5 اعتراضچی‌نین باغلانتیسی کسیلدیکدن سونرا اونلارین اصفهان حبس‌خاناسیندا اعدام ائدیلمه‌سی ایله باغلی ناراحاتلیقلار داوام ائدیر.
بو ناراحاتلیقلاردان سونرا بو اینسانلارین عائله‌‌‌لری ده اصفهان مرکزی حبس‌خاناسی‌نین قارشیسینا توپلاشاراق حبسده اولان یاخینلاری‌نین وضعيتی باره‌ده معلومات طلب ائتدیلر.
مهدی صالحی، قلعه شاهرخی، محمد بسطامی، مجید نظری کندری، هادی کیانی و عباس محمدی 1396-جی ایلین دی آیی اعتراضلاری سونراسیندا توتوقلاناراق هر بیری ایکی دفعه اعدام جزاسینا و 5 ایل حبس جزاسینا محکوم ائدیلمیشلر.
بئش نفر «ایغتیشاشچیلارین مقصدلرینی ایره‌لی سورمک اوچون ائتکیلی سعیلر گؤستره‌رک بغی ائتمکله» اتهام اولونورلار.
«سلاحدان ایستیفاده ائده‌رک محاربه و توپلومو تهلوکه‌‌‌سیزلیکدن محروم ائتمک و ضابیطلره آتش آچماق نيتی» ده اونلارا قارشی ایره‌لی سورولن دیگر اتهاملاردان بیریدیر.
بو بئش نفر آیریجا «توپلومسال تهلوکه‌‌‌سیزلیگی پوزاراق یئر اوزونده فساد یاراتماق، ایغتیشاشچیلاری توپلومسال قایدانی و تهلوکه‌‌‌سیزلیگی پوزماق اوچون رهبرلیک ائتمک و توپلومسال دوزه‌نی پوزماقلا» اتهام اولونورلار.
سون گونلرده اصفهان محکمه اورقانلاری بو 5 نفری و 1398-جی ایلین اعتراضچیلاریندان 3 نفرین اعدام حؤکملرینی تصدیقله‌ین معلوماتلاری دا رد ائتدیلر.
