۸۸ شهر قیرمیزی دورومدا؛ فوتبول فدراسیونو لیگی کئچیرمک اوچون ایذین آلدی
بازار ائرته‌سی گونو صحیه، ناظرلیگی تهران و اؤلکه‌نین دیگر ۸۷ شهرینده‌کی کرونا دورومونو قیرمیزی اعلان ائتدی.
بیر نئچه ساعت سونرا ایدمان قزئتی “گل” ایران پئشه‌کار فوتبول لیگاسیندا بیلگیلی بیر مقاما ایستیناد ائده‌رک، تهران ایالتینده‌کی فوتبول یاریشلاری‌نین تامامیله باغلاناجاغینی اعلان ائتدی. بو قزئت سوسیال مئدیا صفحه‌‌‌لرینده تهران ایالتینده‌کی کرونا دورومونون قیرمیزی اولماسی سببیندن بو ایالتده‌کی فوتبول کوماندالاری‌نین بوتون اویون و مشقلری‌نین بوتون پئشه‌کار سويه‌‌لرده باغلاناجاغینی ادعا ائتدی.
آنجاق بو گون ایسنا خبر آژانسی بو خبری تکذیب ائده‌رک بوتون پرئمیئر لیگ، بیرینجی لیگ، ایکینجی لیگ و اوچونجو لیگ اویونلاری‌نین سئییرجی‌لرین ایشتیراکی اولمادان کئچیریله‌جه‌یینی آچیقلادی.
۱۳۹۸-جی ایلین اسفندیندن و ایراندا کرونا اپیدمیسی‌نین باشلانماسی‌نین قبول ائدیلمه‌سی ایله پرئمیئر لیگ یاریشلاری باغلی قاپیلار آرخاسیندا و سئییرجی‌لرین ایشتیراکی اولمادان کئچیریله‌جکدیر.
آنجاق ۱۴ اسفند شنبه گونو پدیده و پرسپولیس اویونوندا پدیده کومانداسی‌نین ۲ میندن چوخ سئییرجی‌سی “امام رضا” استادیومونون بیر کونجونده اویونو سئیر ائدیردی.
کروناویروس یاییلماسی باخیمیندان شهرلرین رنگلری‌نین آچیقلانماسینا گؤره، ایکی، اوچ و دؤردونجو ایش یئرلری، یعنی ائیتیم مرکزلری‌نین فعالیتی و ایدمان یاریشلاری، قاپالی حوضلار، ایدمان کلوبلاری، گولش کیمی یوکسک تأثیرلی ایدمان نؤوعلری، کاراته و جودو و قیرمیزی ساحه‌‌‌لرده قاپالی ایدمان کلوبلاری‌نین فعالیتی قاداغاندیر.
ایسنا خبر آژانسی ایرانداکی کرونایا قارشی قرارگاهین، فوتبول فدراسیونونون و لیگ تشکیلاتی‌نین ایلکین مقاومتلرینه باخمایاراق صحیه ناظرلیگی‌نین پرئمیئر لیگ‌ده فوتبول اویونلاری کئچیره‌جک موافیقتی وئرمه‌سی اوچون راضیلیق الده ائتمه‌لرینی باجاردیقلارینی بیلدیردی.
کرونا بؤحرانی داوام ائدرسه و ایران فوتبول اویونلاری ایله باغلی یئنی بیر قرار وئریلسه، لیگ تشکیلاتی بوتون فوتبول یاریشلاری و بوتون سويه‌‌لرده و لیگلرده یئنی بیر قرار تطبیق ائده‌جکدیر.
iranwire
