۸۵ میلیون تومن معاش فیشی‌نین آچیقلانماسی‌نین آردیندان غلامرضا تاجگردون گؤرویندن آلیندی
ایران مئدیاسی کئچمیش مجلیس عضوو غلامرضا تاجگردونون یوکسک معاشینی اساس گتیره‌رک سرمد سیغورتا شرکتینده‌کی گؤرویندن آلیندیغینی بیلدیردی.
مهر خبر آژانسینا گؤره، کئچن ایلین اسفندیندن بری سرمد سیغورتا شرکتی‌نین باش مودیری گؤروینه تعیین ائدیلمیش غلامرضا تاجگردون، بو سیغورتا شرکتیندن آلینان مبلغ و معاش فیشی‌نین یاییملانماسی‌نین آردیندان شرکتین یؤنتیم قورولو طرفیندن آلیندی.
۱۹ خرداد چارشنبه گونو یاییملانان غلامرضا تاجگردون معاش فیشی، بو ایلین اسفند و فروردین آیلاریندا ۷۳ و ۸۵ میلیون تومن معاش آلدیقلارینی گؤستریر.
۱۰–جو مجلیسده تاجگردون پلان و بودجه کمیسیونونا باشقانلیق ائتدی و ۱۱-جی مجلیسده گچساران سئچکی بؤلگه‌سیندن مجلیسه گیردی، آنجاق صلاحیتی ملت وکیللری طرفیندن تصدیقلنمه‌دی و مجلیسدن خاریج ائدیلدی.
۱۳۹۵–جی ایلده “یوکسک معاشلار” کیمی تانینان دؤولت مقاملاری‌نین معاش فیشلری‌نین سندلری‌نین یاییملانماسی‌نین آردیندان مجلیس، مودیرلرین معاشلاری‌نین ۲۰ میلیون تومندن چوخ اولا بیلمه‌یه‌جیی بیر قانون قبول ائتدی.
بونونلا بیرلیکده، مئدیادا مودیرلره داها یوکسک مبلغلرین اؤده‌نیلمه‌سی باره‌ده چوخ سایدا خبر وار.
iranwire
