۱۳ یاشلی تبریزلی بیر اوشاق بیچاقلاناراق وحشیجه‌سینه اؤلدورولدو
تبریزلی ۱۳ یاشلی بیر اوشاق ۱۷ آبان جومه گونو بیچاقلاناراق اؤلدورولدو.
رکنا وب سایتی، یئنییئتمه‌نین آتاسینا ایستیناد ائده‌رک، جسدینین محله مکتبی‌نین قارشیسیندا تاپیلدیغینی، قان ایچینده بوغولدوغونو و بدنین یانینداکی بیچاقین دیوارا چیرپیلدیغینی سؤیله‌دی.
بو اوشاغین آتاسی ائوه خبردارلیق ائتمه‌دن چیخدیغینی بیلدیردی: اوغلومون باشینا نه گلدیگینی بیلمیرم، ائودن اؤنجه‌دن خبردارلیق ائتمه‌دن چیخیب اؤزباشینا بیر یئره گئتدیگینی گؤرمه‌میشدیک. آنجاق جوم گونو سحر یوخودان اویاندیغیمیزدا ائوده اولمادیغینی گؤردوک.
او داوام ائتدی: “بیز اونو هر یئرده آختاردیق، آنجاق بیر شئی الده ائده‌مه‌دیک. یالنیز جیب تلفونو و آچارلاری قالمیشدی، بو دا اونون باشینا پیس بیر شئیین گله‌جیی قورخوسونو ایکی‌قات آرتیردی.”
اوشاغین آناسی، محکمه طبّ اوزمانی‌نین دئدیگینه دایاناراق، اورگینده‌کی بیچاق یاراسیندان اؤلدویونو سؤیله‌دی.
اؤلن اوشاغین آناسی، اؤولادی‌نین کیچیک بدنینه ایشاره ائده‌رک سؤزونه داوام ائتدی: یئددی بیچاق یاراسی بو کیچیک بدن اوچون چوخ و آغریلیدیر؛ جینایت پولیسلرینی ده او درجه‌‌‌ده شوکا دوشدولر.
بو تبریزلی اوشاغی‌نین آناسی دا اؤولادی‌نین کرونا خسته‌لیگی سببییله هر زامان ائوده اولدوغونو و ائشییه چوخ چیخمادیغینی بیلدیردی.
دوغو آذربایجان ایالتی پولیسی‌نین جینایت شؤبه‌سی‌نین مودورو ده بو قتل باره‌ده آچیقلاما وئردی: بو ایشده بیر چوخ آنلاشیلمازلیقلار وار و بو باره‌ده ایستینطاق داوام ائدیر.
سرهنگ “نوجوان”، ایشین هله ابتدایی ایستینطاق مرحله‌‌‌سینده اولدوغونو وورغولایاراق قئید ائتدی: “بو کیمی ایشلرده بیر نئچه شوبهه‌لی اولا بیلر و بوتون شوبهه‌لیلری آراشدیردیقدان سونرا قتلین اساس سببینه چاتاجاغیق.”
