یاسوجدا بیر ارکک ۱۶ یاشیندا نیشانلیسینی اؤلدوردو
یاسوجدا ۲۱ یاشلی گنج ۱۶ یاشلی نیشانلیسینی گولـله‌له‌یه‌رک اؤلدوروب، سونرا ایسه اینتیحار ائدیب.
رکنا سایتی‌نین وئردیگی بیلگیلره گؤره، جینایت بیر اردیبهشت جوما آخشامی آخشام ساعتلاریندا یاسوجون قلعه دختر کندینده باش وئریب.
روکنانین سؤزلرینه گؤره، ۱۶ یاشلی شیوا آدلی قیز موسی آدلی خالاسی اوغلونون نیشانیندان چکیلمک نيتینده اولوب.
شیوا و موسی‌نین دایی‌سی بو باره‌ده دئییب: “بیر مدت اؤنجه اونلارین نیشان مراسیمی کئچیریلیب. آنجاق بیر مدت اؤنجه شیوا ائولیلیگه باشلاماغا حاضر اولمادیغینی و گلن ایل ائوه گئدیب یاشاماق ایسته‌دیگینی سؤیله‌دی”.
او، داوام ائتدی: “موسی شیوانین قرارینا عصبیلشدی و تهلوکه‌‌‌لی قرار وئرمه‌مک اوچون دقتلی اولدوق. موسی ائو کیرایه‌‌‌‌لدیگینی و ائولیلیگه باشلاماغی گئجیکدیرمک اوچون هئچ بیر سبب اولمادیغینی سؤیله‌دی. دونن گئجه‌یه قدر موسی آرتیق حاضرلادیغی سلاحلا شیوانین ائوینه گئتدی. او، اؤنجه شیوانی ووراراق اؤلدوردو، سونرا ایسه اؤزونو ووراراق اؤلدوردو”.
شیوانین نیشانلیسی طرفیندن اؤلدورولمه‌سی دونن بیلدیریلن ایکینجی قتل حادثه‌‌‌سیدیر.
دونن بیلگیلی بیر قایناق ایران‌وایره باتی آذربایجان ایالتی‌نین ان محروم شهرلریندن بیری اولان شوط شهرینده گنج و اوشاق نیکاحلی بیر قیزین دهشتلی قتلی ایله باغلی بیلگی وئریب.
#ایران_خبرلری #اوشاق_حوقوقلاری #اوشاق_ائولیلیگی
