یئنی تدریس ایلینده مکتب لوازیماتی ساتیشلاریندا یوزده ۸۰ آزالما
کرونانین باشلاماسی و مکتبلرین باغلانماسی ایله مکتب لوازیماتینا طلب صیفیرا ائندی، لاکین بازاردا یئنه ده یوزده ۲۰ – ۳۰ فایز آرتیم یاشانیر.
مکتب لوازیماتلاری ساتیجیسی محمد اطلسی، «قیمتلر کسکین شکیلده آرتدی و دلارین آرتماسی ایله مکتب لوازیماتلاری‌نین قیمتی آرتدی» دئدی.
اطلسی علاوه ائتدی: «بو بازاردا ساتیجیلارین چوخونون اسفند آییندان بری ساتیشلاری اولمور، بعضیلری ایسه ائوده قالمایا دوام ائدیرلر.»
اونون دئدیگینه گؤره «والیدینلرین چوخو قیمت آرتیمیندان سونرا آلمادیقلارینی سؤیله‌ییرلر و بو ایل کیتاب پایلاماسینی دا بئله بیزه وئرمه‌دیلر و بو آلتی آیدا گلیر دئمک اولار کی، صیفیرا ائندی.»
مکتب لوازیماتلاری بیرلیگی‌نین رئیسی حسن سلیمی ده بیرلیکده‌کی ساتیشلارین یوزده ۷۰ – ۸۰ نیسبتینده آزالدیغینی سؤیله‌دی.
سلیمی علاوه ائدیب «کرونا ویروسونون یاییلماسیندان سونرا مکتب لوازیماتلاری بازاریندا وضعيت یاخشی دئییل و آلیم-ساتیم یوخدور.»
