گوونلیک گوجلری اهوازین شیبان حبس‌خاناسی‌نین سیاسی محبوسلار بندینه هوجوم ائدیب
ایران اینسان حاقلاری قایناقلاری‌نین وئردیگی بیلگیلره گؤره، دونن ۲۱ فروردین چارشنبه آخشامی چئویک قوه‌لر اهواز مرکزی حبس‌خاناسیندا (شیبان) سیاسی محبوسلارین ساخلاندیغی ۵-جی بنده باسقین ائده‌رک، سیاسی محبوسلارین شخصی اشیالارینی، سویودوجولارینی و یاتاقلارینی زوراکیلیقلا داغیدیبلار.
“کارون” حوقوق ساوونما تشکیلاتینا وئریلن بیلگیلره گؤره، بو هوجوم اهواز مرکزی حبس‌خاناسی‌نین (شیبان) داخیلی ایشلر شؤبه‌سی‌نین مودیری محمد نیازی‌نین چئویک قوه‌لر ایله بیرلیکده حیاتا کئچیریلیب.
ایران‌وایر داها اؤنجه وئردیگی راپوردا اهوازداکی شیبان حبس‌خاناسی‌نین قئیری-اینسانی دورومونو یازمیشدی. بو راپورا گؤره، ۱۳۶۰-جی ایللرین بیلینن ایشگنجه‌لری، مثلا، اوین و گؤهردشت‌ده “حاج داوود تابوتو” کیمی تانینان “تابوت” هله ده اهوازین اینقیلاب کئشیمچیلری‌نین اطلاعاتی و اطلاعات ایداره‌سی‌نین گوونلیک تجرید‌خانالاریندا تطبیق اولونور و عبدالحسین غلام‌نژاد آدلی شیبان حبس‌خاناسی‌نین بیلگی قوروما رئیسی بو حبس‌خانادا “توابین” بندینی رسمی اولاراق ایشه سالیب.
اهوازداکی “شیبان” حبس‌خاناسی اهواز یولوندان مسجد سلیماندان ۱۲ کیلومِتر اوزاقدا، شیبان کندی یاخینلیغیندا یئرلشیر؛ ۵۰۰۰-دن چوخ اینسانین یئرلشدیگی ۳۵۰۰ نفرلیک حبس‌خانادیر و بو حبس‌خانا ایرانین ان تهلوکه‌‌‌لی حبس‌خانالاریندان بیری کیمی تانینیر.
Iranwire
