کریم بستانچی حبس و اک جزایا محکوم ائدیلیب
اورمیه ساکینی و آذربایجانلی صنفی فعال کریم بستانچی خضرآبادا ۳ آی حبس و اک جزالار وئریلیب.
هله‌لیک حؤکمون و اتهامین سببی و حؤکمو چیخاران شؤبه حاققیندا آیرینتیلی بیلگی یوخدور.
داها اؤنجه کریم بستانچی خضرآباد باتی آذربایجان ایالتی‌نین ایداری خطالار کومیته‌سی‌نین حؤکمو ایله مجبوری امکلیلیگه گؤندریلیب.
باتی آذربایجان ایالتی‌نین ائیتیم چالیشانلاری‌نین ایداری خطالارا دایر بدوی هیئتی‌نین چیخاردیغی حؤکمه اساساً، رژیم یئتکیلیلرینه قارشی قئیری-عادی سؤزلر و ایستئهزا ایچریکلی شکیللر ایشلتمک، حجاب و ائیتیم سیستمینی سورغویا چکمک، کراوات تاخاراق باتی کئییمینی تبلیغ ائتمک و قئیری-قانونی موعللیملیر بیرلیکلری فعاللارینی دستک‌له‌مک کیمی اتهاملار ایره‌لی سورولوب.
باتی آذربایجانین صنفی فعاللاریندان اولان سیف اله اوغلو، ۱۳۵۳-جو ایل دوغوملو کریم بستانچی خضرآبادین ائیتیم ناظرلیگینده ۲۷ ایللیک ایش تجروبه‌سی وار.
ایللردیر ایراندا صنفی فعاللارا قارشی حدسیز اذیتلر واردیر و بیر چوخ ایشچی و موعللیملر بیرلیگی عضولری حبسلرده ساخلانیلاراق، آغیر ایشگنجلره معروض قالیب و مجبوری امکلیلیک و ایشدن قوولما ایله اوزلشیب.
