کرونا ویروس باشلانغیجیندان بری زنجاندا توپلام ۱۵۳۲ نفر بو خسته‌لیکدن حیاتینی ایتیریب
زنجان ایالتینده کروناویروس باش وئردیکدن بری ۱۰۰ مین ۷۹۰ نفرده کووید ۱۹ خسته‌لیگی تثبیت ائدیلیب کی، اونلاردان ۵۲۷ نفری سون ۲۴ ساعت ایچینده بیلدیریلیب.
زنجان طب علملری بیلیم‌یوردونون وئردیگی بیلگیلره گؤره، کئچن ایلین اسفند آییندان بری زنجان ایالتینده خسته‌خانایا یئر‌لشدیریلن ۱۰ مین ۹۳ خسته‌یه لابراتوار تستی اساسیندا کووید ۱۹ تشخیصی قویولوب کی، اونلاردان ۸ مین ۴۳۷ نفری ساغالدیقدان سونرا خسته‌خانادان چیخاریلیب.
حاضردا زنجان ایالتینده کووید ۱۹ و یا شوبهه‌لی کووید سببییله ۴۱۴ نفر خسته‌خانایا یئر‌لشدیریلیب، بونلاردان ۲۳ نفری سون ۲۴ ساعتدا خسته‌خانایا یاتیریلیب.
آیریجا کووید ۱۹ تشخیصی قویولان ویا شوبهه‌لی کووید اولان توپلام ۲۸ مین ۵۷۰ خسته ده ایندییه قدر زنجان ایالتی‌نین خسته‌خانالارینا یئر‌لشدیریلیب.
قزلباش سؤزونه بئله داوام ائتدی: “اؤتن گئجه ۷۰ نفردن چوخ خسته‌نی خسته‌خانایا یئر‌لشدیردیک و خسته‌خانا یاتاقلاری‌نین دولولوق درجه‌‌‌سی ۴۰۰ یاتاغا چاتدی و بونون دا باشقا ساغلیق خیدمتلرینی ائتکیله‌مه‌سیندن قایغیلیییق.”
کرونا ویروسونون باشلانغیجیندان بری زنجاندا توپلام ۱۵۳۲ نفر ده بو خسته‌لیکدن حیاتینی ایتیریب.
iranwire
