کئچمیش سیاسی محبوس آرمیتا پاویر حبس‌خانادا دؤیولدویونه گؤره حبس‌خانا گؤزتچیسیندن شیکایت ائدیب!
تورک سیاسی محبوس آرمیتا پاویر آزادلیغا چیخدیقدان سونرا تبریز حبس‌خاناسینداکی حبس‌خانا نظارتچیلری‌نین بیری طرفیندن “اؤلدورمک نيتی ایله” دؤیولدویونه گؤره شیکایت ائتدیگینی آچیقلاییب.
چارشنبه آخشامی، ۱۱ دی گونو خانیم پاویر محکمه ایجلاسیندا ایشتیراک ائتمک اوچون ادعاچی کیمی آلدیغی چاغیریش ورقه‌سی‌نین شکلینی یاییب و اکس سوسیال شبکه‌سینده «سمیه عفوری»، آدای شخصین ۱۱ آبان گونو اونا وحشیجه‌سینه هوجوم ائتدیگینی و قاپالی و خلوت بیر اوتاقدا اونو، اؤنجه‌دن بلیرلنمیش بیر پلانلا، “اؤلدورمک نيتی” ایله دؤیوب و بو حرکتین “کیمین سیفاریشی” اولدوغونو بیلمیر.
خانیم پاویر بو گؤزتچی‌یه خطابا دئییب: امکداشلارینیز منه نه ضرر ووردوغونوزو بیلسه‌لر ده، بونو اینکارز ائتدیلر و گئجه ساعتلارینا قدر گؤزیاشاردیجی گاز و حبس هده‌لری ایله منیم دورومومدان ناراحات اولان عائله‌‌‌می و یاخینلاریمی حبس‌خانانین قارشیسیندان داغیدماغا چالیشدیلار. سیز هئچ آغلینیزا بئله گتیرمیردینیز کی، من محبوسلارین لوطفو سایه‌سینده او حبس‌خانا بارماقلیقلاری آرخاسیندان چیخیب شیکایتیمین آرخاسینجا گئده‌جم.
بو کئچمیش سیاسی محبوس آرتیردی: سنه دئدیم دوعا ائت کی، حبسدن ساغ-سلامات چیخماییم، کی سنی دونیایا گلدیگینه پئشمان ائده‌جم.
آرمیتا پاویر بیلدیریب کی، “بو ایشین سونوجو نه اولورسا اولسون” اونون اوچون “خالیص قلبه”دیر، چونکی “حؤکم سمیه غفوری‌نین خئیرینه چیخاریلارسا، سیفاریش وئرنین ایسلام جمهورییتی اولدوغو اورتایا چیخاجاق”.
حبس‌خانا تجروبه‌سی اولان وکیل قاسم بعدی‌ده بونو دئییب کی، “حبس‌خانا یئتکیلیلری‌نین، گوونلیک و محکمه قوروملاری‌نین دستیی ایله حبس‌خانا گؤزتچیلری” محبوسلاری “هوجوم، آلچالدیلما و ایشگنجه‌لره” معروض قویور، تبریز حبس‌خاناسیندا ایسه “رضازاده، اکبری و سمیه غفوری ”، بونلاردان بیر نئچه‌سیدیر.
