ژورنالیستلرین دورومونو تعقیب ائدن کومیته نیلوفر حمیدی و الهه محمدی‌نین سربست بوراخیلماسینی ایسته‌ییب
چارشنبه آخشامی، ۲۳ اسفند ۱۴۰۱-جی ایلده حبسده اولان ژورنالیستلرین دورومونو تعقیب ائدن کومیته آچیق مکتوبدا ایرانین محکمه حاکیميتی‌نین باشچیسیندان حبسده اولان ژورنالیستلرین، او جومله‌‌‌دن نیلوفر حمیدی و الهه محمدی‌نین سربست بوراخیلماسینی ایسته‌ییب.
یاییملانان مکتوبدا “شرق” و “هم میهن” قزئتلری‌نین یئتکیلیلری‌نین یایدیغی خبرلره ایستناداً وورغولانیر کی، بو ایکی ژورنالیست “اونلارین امرلرینه اساساً، اونلار یالنیز اؤز پئشه وظیفه‌‌‌لرینی یئرینه یئتیریبلر و بو جور حدیندن آرتیق سرتلییه لاییق گؤروله‌جک هئچ بیر صحوه یول وئرمه‌ییبلر.”
نیلوفر حمیدی و الهه محمدی ایراندا عومومی اعتراضلارین ایلک گونلریندن “مهسا [ژینا] امینی‌نین دورومو باره‌ده بیلگی وئردیکلری و ۴۰-جی مراسیمی ایله باغلی راپور حاضرلادیقلاری اوچون گوونلیگ ایشچیلری طرفیندن حبس ائدیلیبلر.
اؤتن بیر نئچه گون ایچینده ایسلام جمهورییتینه دستک وئرن بعضی شخصیتلر و سانال اورتام قوللانیجیلاری اونلاری تخریباتا جهد ائتمکده و یا خاریجی مئدیا ایله علاقه ساخلاماقدا اتهام ائده‌رک، اونلارا و عائله‌‌‌لرینه تضییقلری آرتیراراق، اونلاری بو اتهاملاری قبول ائتمه‌یه مجبور ائتمه‌یه چالیشیبلار.
حبسده اولان ژورنالیستلرین دورومو ایله باغلی ایزله‌مه کومیته‌سی بو حادثه‌‌‌لره ایستیناد ائده‌رک یازیب: بو یاناشما خانیم حمیدی و محمدی‌نین ساخلانما دورومو ایله باغلی قطعی قرارلارلا باغلی درین ناراحاتلیق دوغورور.
بو کومیته «بدرالسادات مفیدی»، «مهدی رحمانیان»، «الیاس حضرتی»، «کامبیز نوروزی» و «محمد مهاجری»، و مکتوبون سونوندا «غلامحسین محسنی اژه‌ای»دن آدی چکیلن ژورنالیستلرین پرونده‌سی‌نین باغلانماسینی و یا باشقا بیر شکیلده اونلارین عدالتلی موحاکیمه اولونماسی اوچون شرایطین یارادیلماسینی ایسته‌ییب.
اوسته‌لیک، ایران داخیلینده ان آزی ۲۰۰ ژورنالیست الهه محمدی و نیلوفر حامدی‌نین آزادلیغا بوراخیلماسینی طلب ائدن ایسلام جمهورییتی‌نین محکمه حاکیميتی‌نین باشچیسینا عونوانلانمیش مکتوب یازمیشدیلار.
اوین حبس‌خاناسی‌نین تک کیشیلیک هوجره‌لرینده گونلرله ساخلانیلان بو ایکی ژورنالیست حاضردا ورامینده قرچک قادین حبس‌خاناسیندادیر.
