چالدیرانداکی سئلده ۱ نفر اؤلدو و ۲ نفر یارالاندی
چالدیران فرمانداری حسن محمدزاده بو شهرده‌کی دونن گونورتادان سونراکی یاغیش و سئل وضعيتی ایله باغلی، ۲ نفرین یارالاندیغینی و بیر نفرین حیاتینی ایتیردیگینی آچیقلادی.
او سئلین اکینچیلیک، حئیواندارلیق و بو شهرین یوللارینا دا ضرر وئردیگینی دئدی و آرتیردی: یاغیش، دولو و سئل سونوجوندا بو شهرین ۲۷ کندی ضرر گؤردو.
چالدیران فرمانداری دئدی: سئلین اکینچیلیک، حئیواندارلیق و یوللارا ووردوغو زیانین درجه‌‌‌سی بؤحران یؤنتیمی اوزمانلاری طرفیندن آراشدیریلیر.
محمدزاده سئل سببییله چالدیران-شوط و چای‌پارا شهرلرینه گئدن یولون باغلاندیغینی آچیقلادی و آرتیردی: چالدیران-چای‌پارا یولونون ۱۶-جی کیلومترینده‌کی ۱۰ مترلیک اوچ بوغازلی کؤرپونون یاغیش سببی ایله داغیدیلماسی سببیندن تأسف کی، بو شهر ایله شوط و چای‌پارا شهرلری آراسیندا قورو یولو ساعتلارلا باغلی قالدی.
iranwire
