چابهاردا اینتیظامی قوه سینین کوماندانی ۱۵ یاشیندا قیزا تجاووز ائتدیکدن سونرا ، اعتراضچیلارا آتش آچیلدی
چابهارلی بیر قروپ اینسان بو شهرین پولیس کوماندیری طرفیندن بلوچ بیر قیزا تجاووز ائتدیگینه اعتراض ائتمک اوچون توپلاشیب.
سوسیال شبکه‌لرده یاییلان گؤرونتولر گؤستریر کی، ۵ مهر چارشنبه آخشامی اعتراضچیلارین سایی آرتدیقدان سونرا بو آکسییالاردا آتش سسلری ائشیدیلیب.
بیر قروپ اعتراضچی آتیشمایا جاواب اولاراق پولیس کیوسکونو یاندیریب.
بازار ائرته‌سی راسکین مووقتی جوما ایمامی مولوی عبدالغفار نقشبندی “دهشتلی تجاووز جینایتی‌نین باش وئرمه‌سی” باشلیقلی آچیقلامادا چابهار پولیس کوماندیری طرفیندن بیر بلوچ قیزا تجاووزو تصدیقله‌ییب. ایفاده‌سی‌نین متنینده بیلدیریلیر کی، عائله‌‌‌سی ایله آراشدیرما آپاریلیب و صؤحبت ائتدیکدن و یئنی‌یئتمه قیزین سؤزلرینی دینله‌دیکدن سونرا بو باغیشلانماز جینایتین گیزلی طرفلری اونا آیدین اولوب.
بو ایل شهریورین باشیندا مطبوعاتدا چابهار پولیس قوه‌لری‌نین کوماندیری سرهنگ ابراهیم کوچکزایی طرفیندن ۱۵ یاشلی قیزا تجاووز خبری یاییلیب.
#اوشاق_حوقوقلاری #تجاووز
