چئویک قوه‌لری اتومبیللری‌نین یوغون ترافیکی؛ مهسا امینی‌نین ایلدؤنومو اؤنجه‌سی سقز
سوسیال شبکه‌لرده یاییملانان ویدئولاردا سقز ده داخیل اولماقلا باتی آذربایجان و کوردوستان ایالتلری‌نین چئشیدلی شهرلرینه قوشون گؤندریلمه‌سیندن بحث ائدیلیر.
ویدئولاردان بیرینده ۲۱ شهریور چارشنبه آخشامی سحر ساعتلاریندا بیجار-دیواندره یولوندا چئویک قوه‌لرین دیواندره و سقز ایستیقامتینده حرکتی آیدین اولاراق گؤرونور.
گؤرونور، مهسانین اؤلومونون ایلدؤنومو یاخینلاشدیقجا سقزده گوونلیک دورومو هر دقیقه پیسلشیر. سون ایکی گونده کوردوستان ایالتی‌نین چئشیدلی شهرلرینده اینترنت جدی شکیلده یاواشلاییب و بو، نورمال گونده‌لیک حیاتی چتین‌لشدیریب.
عینی زاماندا، کوردوستان ایالتی‌نین شهرلری‌نین بیر سیرا مدنی و چئوره فعاللاری، ایدمانچیلاری و وطنداشلاری حبس ائدیلیب و یا گوونلیک اورقانلارینا چاغیریلیب.
