پوست ایشچیلری‌نین معاشی ۱۰ میلیون تومندن آزدیر
یراندا پوست شرکتی‌نین ایشچیلری‌نین گونده ۱۲ ساعت ایشله‌مه‌لرینه باخمایاراق، آیدا ۱۰ میلیون تومندن آز و قانونی مینیموم امک حاقیندان آشاغی معاش آلیرلار.
ایلنا خبر آژانسی جوما آخشامی، ۲۴ خرداددا بیلدیریب کی، پوست شرکتی‌نین اؤزل‌لشدیریلمه‌سی ایله پوست گؤندریشلری‌نین داشینماسی و بوشالدیلماسی ساحه‌‌‌سینده مومکون اولان ان چتین ایشلردن بیرینی گؤرن ایشچیلر ان ساده ایمکانلاردان و مینیموم امک حاقیندان محروم اولوبلار.
عالی امک شوراسیندا حؤکومت نوماینده‌‌لری و ایش‌گؤتورنلر کئچن ایل ۲۹ اسفندده ایشچیلرین مینیموم امک حاق‌ی‌نین یوزده ۳۵ آرتیریلماسی باره‌ده راضیلیغا گلیبلر.
بونا اساساً، ۴ نفرلیک عائله اوچون ایشچیلرین مینیموم امک حاقی ۱۲ میلیون ۱۰۷ مین تومن بللی ائدیلیب.
۲۰ اسفند ۱۴۰۲-ده تهران ایالتی‌نین امک شورالاری‌نین کووردیناسییا مرکزی‌نین معاش کومیته‌سی‌نین رئیسی مجید رحمتی ایلنایا وئردیگی موصاحیبه‌ده تهراندا دؤرد نفرلیک بیر عائله‌‌‌نین ۳ مین کالوریلیک یاشاییش سبتی‌نین خرجینی ۳۲ میلیون ۸۵۰ مین تومن اعلان ائدیب و بو رقمین آؤلکه اوچون ۲۶ میلیون ۵۵۰ مین تومن اولدوغونو آچیقلاییب.
۱۴۰۳-جو ایلده ایشچیلرین امک حاقی اوچون بللی ائدیلمیش رقمی آشاغی روتبه‌لی ایشچیلرین معاشلاری ایله موقایسه ائتدیکده بو شرکتین ایشچیلری حتی دؤولت قورومو اولان عالی امک شوراسی‌نین بللی ائتدیگی مینیموم امک حاقینی آلماقدان بئله محروم اولدوقلارینی گؤستریر.
