پزشکیانین سالماسداکی سئچکی قرارگاهینین رئیسی سربست بوراخیلیب
پزشکیانین سالماسداکی سئچکی قرارگاهینین رئیسی و روحانی حؤکومتی‌نین سالماسداکی فرمانداری مسعود حاج علیلو سربست بوراخیلیب.
قئید ائدک کی، مسعود حاج علیلو پزشکیانین سالماسداکی سئچکی قرارگاهیندا پئیغمبرلر، روحانیلر، رئیسی، ساواش یارالیلاری و… حاقیندا دانیشدیغی ویدئونون یاییلماسیندان سونرا او، حؤکومت طرفدارلاری‌نین تپکیسی و اعتراضیندان سونرا حبس ائدیلیب.
قئید ائدک کی، حاج علیلو سئچکی اؤنجه‌سی تبلیغات کامپانییاسیندا ائتدیگی چیخیشیندا وطنداشلارین مولالارا اینانمادیغینی دئییب.
او، ابراهیم رئیسی‌نین حدیندن آرتیق شیشیردیلدیگینی و اصلینده اونون جمهورباشقانی اولاراق آذربایجانلیلار اوچون هئچ بیر یاددا قالان ایش گؤرمه‌دیگینی دئییب.
حاجی علیلو ایراندا کئچیریلن سون جمهورباشقانلیغی سئچکیلرینده مسعود پزشکیانین قرارگاهیندا دئییب: “سالماس جاماعتی‌نین یوزده ۴ جلیلی‌یه سس وئردی کی، بونون دا یوزده ایکیسی سالماس‌دا یاشایان یئرلی اولمایانلارین سسیدیر. اگر سئچکی‌نین رفراندوم اولدوغونو فرض ائتسک، سیزین پایینیز یوزده ایکیدیر، اونا گؤره ده سیزین بیزه قارشی دانیشماغا حاققینیز یوخدور.”
