پارلامئنت عضوو: آدالارین چینه وئریلمه‌سی گئرچکدیر
بیر میلت وکیلی، «ایران آدالاری‌نین تام صلاحیتی‌نین چینه وئریلمه‌سینی» 25 ایللیک ایران-چین ایشبیرلیگی آنلاشماسینین بیر حیصه‌‌‌سی اولدوغونو سؤیله‌دی.
محمود احمدی بیغش «خالقین و مجلیسین حرکتی بونا مانع اولدو» دئدی.
بو میلت وکیلی علاوه ائتدی کی، «اینشاللاه بو آدالارا چینه وئریلمه‌یه‌جک»، چونکی «قرارا گؤره چین آدالاری اله کئچیره‌جکدی.»
مجلیسین میلی تهلوکه‌‌‌سیزلیک و خاریجی سیاست کمیسیونون عضوو علاوه ائتدی؛
«بونا اینانیریق کی، بیر آنلاشما هر ایکی اؤلکه‌نین چیخارلارینی عدالتلی شکیلده نظره آلمالیدیر.»
قاپساملی 25 ایللیک ایران-چین ایشبیرلیگی آنلاشماسینین مؤوضوسو سون ایکی هفته‌ده سوسیال مئدیادا چوخلو موباحیثه‌لره سبب اولدو.
بیر چوخ اعتراضچی بو آنلاشما ایله 25 ایل مدتینه ایران جمهورییتی اراضی بوتؤولویونو و منبع‌لرینین بیر حیصه‌‌‌سینی چینه تحویل وئرمک نيتینده اولدوغونو وورغولویورلار.
بو آرادا ایرانین خاریجی ایشلر ناظری محمد جواد ظریف «چینه و یا باشقا بیر اؤلکه‌یه بیر متر تورپاق، حتی بیر قاریش تورپاق ویا ایران اراضیسینی ایستیفاده ائتمکده مستثنی حوقوق وئرمه‌میشیک و وئرمه‌یه‌جییک» دئدی.
