همدان اینقیلاب کئشیکچیلری، عرفان حلقهسی عضو اولماق اتهامی ایله ۸ نفری حبس ائدیب
همدان اینقیلاب کئشیکچیلری‌نین خالق ایله ایلیشگیلر یئتکیلیسی بو ایالتده سککیز نفرین حبس اولوندوغونو اعلان ائتدی و اونلاری “حلقه عرفان عضو اولماق” ایله اتهام ائتدی.
“علی‌اکبر کریم‌پور”، ۱۳ اردیبهشت بازار ائرته‌سی گونو، بو شخصلرین توتولما تاریخیندن بحث ائتمه‌دن، فرقه عرفان فعاللاری اولدوقلارینی و قانونسوز فعالیتله مشغول اولدوقلارینی سؤیله‌دی.
اونون سؤزلرینه گؤره، بو شخصلرین پرونده‌سی قانونی عملیات اوچون محکمه‌یه گؤندریلیب.
“عرفان حلقه” ۱۳۸۰-جی ایللرده ایراندا “محمدعلی طاهری” آدلی بیر شخص طرفیندن قورولان عرفانی بیر مکتبین آدیدیر.
طاهری اوزون ایللر ایراندا حبسده قالدی و “یئر اوزونده فساد” اتهامی ایله اعدام جزاسینا محکوم ائدیلدی. سونوندا اونون جزاسی بئش ایل حبس جزاسی ایله ديیشدیریلدی.
طاهری، جزاسی‌نین سونوندا ۱۳۹۷-جی ایلین فروردینینده سربست بوراخیلدیقدان سونرا ایراندان ائشیگه چیخدی.
سون ایللرده ایرانین موختلیف شهرلرینده حلقه عرفانا عضو اولماق اوچون بیر نئچه حبس حادثه‌‌‌سی یاییملاندی.
ایرانداکی ویجدان جریانلارلا مشغول اولماق یالنیز عرفان حلقهسی عضولری و طرفدارلاری ایله محدودلاشمیر و ایسلام جمهوریییتی ایرانین حاکم روحانیلریندن فرقلی اولان هر هانسی دینی و عرفانی جریانلاری “ساپما” ائتیکئتی ایله باسدیریر.
iranwire
