همدانین بوعلی بیلیم‌یوردونون ۱۵ اؤیرنجیسی گوونلیک کومیته‌سینه چاغریلدی
همدان ایالتی‌نین بوعلی بیلیم‌یوردونون ۱۵ اؤیرنجیسی گوونلیک و اینتیظام کومیته‌سینه چاغیریلدی.
بیلیم‌یوردونون کولتور و سیاست درنگی‌نین کاتیبی زهرا ویس‌کرمی اؤیرنجیلرین چاغیریلماسی‌نین کئچن ایلکی میتینقلرله باغلی اولدوغونو سؤیله‌دی.
اوکراین اوچاغی‌نین اینقیلاب کئشیکچیلری طرفیندن دوشورولمه‌سینه اعتراض اولاراق تشکیل ائدیلن میتینق، کئچن ایل بیلیم‌یوردوندا کئچیریلن ان اؤنملی میتینقلردن بیرییدی.
ویس‌کرمی، چاغیریشلارین اؤیرنجیلرین بو علی بیلیم‌یوردونون گوونلیک و اینتیظام کومیته‌سی طرفیندن گؤندریلدیگینی علاوه ائتدی.
او اؤیرنجیلره قارشی تضییقلرین آرتماسینی دا تنقید ائده‌رک، بیلیم‌یوردو مسووللاری‌نین “ساده‌جه سوسدوقلارینی و سانکی راضیلاشدیقلارینی” سؤیله‌دی.
