هاوا بیلیمی تشکیلاتی‌نین رئیسی: آوادانلیقلاریمیز استاندارتلاردان اوزاقدیر
ایرانین هاوا بیلیمی تشکیلاتی‌نین رئیسی دئییب کی، هاوا بیلیمی‌نین آوادانلیقلاری استاندارت دئییل و بیز ماليه چاتیشمازلیغی سببیندن اونو گلیشدیره‌مه‌میشیک.
سحر تاج‌بخش ۱ بهمن ۱۴۰۰-ده جوما گونو بیلدیریب کی، اؤلکه‌ده آوادانلیق گلیشدیرمه‌سینه احتیاج یئترینجه قدر حیس اولونور. گلیشمیش اؤلکه‌لرده دوراقلار آراسی مسافه ۲۵ کیلومتردیر، ایراندا ایسه ۱۰۰ کیلومتره یاخیندیر و بو دوروم دا ستاندارتلارا ضدیر.
تاج‌بخشین سؤزلرینه گؤره، هاوا بیلیمی تشکیلاتی‌نین حؤکومت اورقانی اولدوغونو نظره آلساق، “خرجلری‌نین بؤیوک حیصه‌‌‌سی حؤکومت طرفیندن ماليه‌لشدیریلیر“.
او دئدی تشکیلاتین آوادانلیقلاری‌نین چوخو خاریجدن گتیریلیر و سون اوچ ایلده خرجلری آرتیب.
بو باره‌ده هاوا بیلیمی تشکیلاتی‌نین رئیسی بیلدیریب
اعتبارلار آرتیریلارسا، رادارلار و اتوماتیک دوراقلار و یوکسک اتمسفر دوراقلاری دا داخیل اولماقلا موشاهیده شبکه‌لری گوجلندیریله و یئنیلنه بیلر.
بوندان اؤنجه اؤلکه‌نین هاوا بیلیمی قورومو هاوا تخمینینی دقیق‌لشدیرمه‌دیگی اوچون تنقید اولونموشدو.
